قاريالاردىڭ دەنساۋلىعىن تەكسەرۋ ءۇشىن شىمكەنت دارىگەرلەرى ساياباققا كەلدى - فوتو

استانا. قازاقپارات - شىمكەنت قالاسىنىڭ ورتالىق ساياباعىندا سالاۋاتتى ءومىر سالتىن قالىپتاستىرۋ ماقساتىندا «التىن جاس- زولوتوي ۆوزراست» اتتى ۇرانمەن قارتتار كۇنى اتالىپ ءوتتى. دەنساۋلىق ساقتاۋ باسقارماسى ۇيىمداستىرعان شاراعا وبلىس اكىمى جانسەيىت تۇيمەبايەۆ ارنايى اتباسىن بۇرىپ، ارداگەرلەردى مەرەيلى مەرەكەسىمەن قۇتتىقتادى.
None
None

 اتالار مەن اجەلەرگە ەرەكشە قۇرمەت كورسەتىلىپ، سىي- سياپاتتار تاپسىرىلدى، دەپ حابارلايدى قازاقپارات وبلىستىڭ دەنساۋلىق ساقتاۋ باسقارماسىنا سىلتەمە جاساپ.

بۇل كۇنى ساياباققا كەلگەن قاريالاردى مەديتسينالىق جولداماسىز وبلىستىڭ بىلىكتى دارىگەرلەرى تەگىن دياگنوستيكالىق تەكسەرۋدەن وتكىزىپ، كەڭەستەرىن بەردى. ولارعا ستوماتولوگتار، كارديولوگتار، تەراپيەۆتەر، ەندوكرينولوگتار مەن وكۋليستەر قىزمەت كورسەتتى. زەينەتكەرلەر قان قىسىمدارىن ولشەتىپ، كوزدەرىن كورسەتتى، ۋدز اپپاراتىنىڭ كومەگىمەن اعزاسىن تەكسەرتىپ، ەكسپرەسس- اناليزدەر تاپسىردى.



ساياباققا جينالعان جۇرت كونسەرتتىك باعدارلامامەن قاتار ارداگەرلەر اراسىندا وتكەن شاحمات تۋرنيرىنىڭ كۋاسى بولدى. كوتەرىڭكى كوڭىل- كۇي سىيلاۋعا ۇمتىلعان مىڭ بۇرالعان كاسىبي بيشىلەر، انشىلەرمەن جارىسا وبلىستاعى ىنتىماعى جاراسقان بارلىق ەتنوس وكىلدەرى ءوز تىلدەرىندە اندەر شىرقادى. قازان ايىنىڭ العاشقى كۇنى شىمكەنتتىڭ شىرايى ارداگەرلەرمەن اجارلانا تۇسكەنى انىق.

كۇنى كەشە، 30 - قىركۇيەكتە ەگدە جاستاعى ادامداردىڭ دەنساۋلىعىن نىعايتۋ جانە سالاۋاتتى ءومىر داعدىلارىن قالىپتاستىرۋ ماقساتىندا وبلىس كولەمىندە اۋرۋحانا، ەمحانالاردا «اشىق ەسىك» كۇندەرى ۇيىمداستىرىلعان بولاتىن. مۇنداي شارا 7 - دا جالعاسىن تابادى. ال 1- قازاننان باستاپ ءبىر اي كولەمىندە وبلىس بويىنشا ۇلى وتان سوعىسىنىڭ ارداگەرلەرىنە مەديتسينا قىزمەتكەرلەرى ۇيلەرىنە بارىپ، مەديتسينالىق كومەكتەر كورسەتەدى.







سوڭعى جاڭالىقتار