10:34, 01 - قازان 2017 | GMT +5
الەمدەگى ەڭ الىپ ۇشاقتىڭ گرەنلانديا اسپانىندا قوزعالتقىشى ىستەن شىقتى
استانا. قازاقپارات - AF66 رەيسى بويىنشا پاريجدەن لوس- اندجەلەسكە قاراي ۇشىپ بارا جاتقان Air France اۋە كومپانياسىنىڭ ۇشاعى كانادانىڭ گۋس- بەي قالاسىندا اپاتتى جاعدايدا قونۋعا ءماجبۇر بولدى، دەپ حابارلايدى بي- بي- سي.

الەمدەگى ەڭ ۇلكەن ۇشاق اتالتىن A380 اەروبۋسىنىڭ بورتىندا 496 جولاۋشى مەن 24 ەكيپاج مۇشەسى بولعان. ۇشاق گرەنلانديانىڭ ۇستىنەن ءوتىپ بارا جاتقان ساتتە 4 قوزعالتقىشىنىڭ ءبىرى ىستەن شىققان جانە ونىڭ ءبىر بولىگى جۇلىنىپ تۇسكەن. بولعان جايعا قاراماستان، لاينەر كانادا جەرىنە ءساتتى قوندى. زارداپ شەككەن ەشكىم جوق. الايدا جولاۋشىلار ۇشاق قونعاننان كەيىن دە بىرنەشە ساعات بويى بورتتان شىعارىلعان جوق.
اۋدارما: ەربول جانات