بيلىكتى باسىپ الۋعا وقتالۋ كۇدىگىمەن قىرعىز ەلىنىڭ دەپۋتاتى تۇتقىندالدى

قاناتبەك يسايەۆكە قىلمىستىق كودەكستىڭ بىردەن ءۇش بابى بويىنشا ايىپتار تاعىلۋدا: «قىلمىسقا دايىندالۋ» ، «جاپپاي تارتىپسىزدىك» جانە بيلىكتى كۇشتەپ باسىپ الۋ نەمەسە بيلىكتى زورلىق- زومبىلىقپەن ۇستاپ وتىرۋ» . بۇل تۋرالى kabar.kg سايتى باس پروكۋراتۋراعا سىلتەمە جاساپ حابارلادى. قىلمىستىق ءىس ماتەريالىنا سايكەس، يسايەۆ ۇيىمداسقان قىلمىستىق توپتاردىڭ كەيبىر مۇشەلەرىمەن ءسوز بايلاسقان، سايلاۋ كەزىندە جاپپاي تارتىپسىزدىكتەردى ۇيىمداستىرۋعا بەلسەندى ارەكەتتەر جاساعان جانە ءوزى جاقتاس بولىپ تابىلاتىن كانديدات سايلاۋدان وتپەي قالعان جاعدايدا بيلىكتى كۇشتەپ باسىپ الۋدى ىسكە اسىرماق بولعان.
قۇقىققورعاۋ ورگاندارىنىڭ مالىمەتىنە سايكەس، ۇستالعان تۇلعالار اقشالاي سىياقى بەرىپ، سوڭى جاپپاي تارتىپسىزدىكتەر مەن قارۋلانعان قاقتىعىستارعا ۇلاساتىن جوسپارلانعان اكتسيالارعا قاتىسۋ ءۇشىن ءوز قاتارلارىنا ادامداردى تارتىپ وتىرعان. قىلمىستىق ءىس قىرعىزستان رەسپۋبليكاسى مەملەكەتتىك ۇلتتىق قاۋىپسىزدىك كوميتەتىنىڭ باس تەرگەۋ باسقارماسىنا جولداندى. 2017 -جىلدىڭ 30 - قىركۇيەگى كۇنى جوگوركۋ كەنەشتىڭ دەپۋتاتى مەن وزگە تۇلعالارعا قاتىستى ق ر باس پروكۋراتۋراسى قوزعاعان قىلمىستىق ءىس اياسىندا دەپۋتات قاناتبەك يسايەۆ پەن ۇيىمداسقان قىلمىستىق توپتاردىڭ جەكەلەگەن مۇشەلەرى تۇتقىندالدى. قازىرگى ۋاقىتتا تەرگەۋ جۇمىستارى جۇرۋدە.
اۋدارما: ميرا تولەندى قىزى