وڭتۇستىك قازاقستاندا «ميزام» ۇلتتىق مەرەكەسى تويلاندى - فوتو

قازاقتىڭ ءومىر سالتىندا بار «ميزام» ۇلتتىق مەرەكەسى حالىق اراسىندا ۇمىت بولىپ بارادى. سوندىقتان ۇيىمداستىرۋشىلار مال سەمىرىپ، ەگىن ورىلىپ، ءشوپ شابىلىپ، ەلدىڭ بەرەكەگە كەڭەلەتىن كەزىندە اتاپ وتىلەتىن بۇل شارانى كەڭىنەن ناسيحاتتاۋدى ماقسات تۇتتى. ۇمىتىلا باستاعان وسى ءداستۇردىڭ كونە داستۇرگە ساي نۇسقاسىن تەلەارنا مەن وزگە دە ب ا ق ارقىلى ەل اراسىنا ءتاراتۋدى كوزدەدى.
فەستيۆالدىن اشىلۋىندا ءسوز العان ادەت- عۇرىپ جانە سالت- ءداستۇر ورتالىعىنىڭ ديرەكتورى جانىبەك تاعايەۆ يگى شارانىڭ ماڭىزى ەرەكشە ەكەندىگىنە توقتالىپ، الداعى ۋاقىتتا دا ءوز جالعاسىن تاباتىنىن جەتكىزدى. فەستيۆالدە سايرام اۋدانى تۇرعىندارىنىڭ كونە داستۇرگە ساي قىسقا دايىندىق بارىسى كورسەتىلدى. كۇزەۋ مەن قارىنعا ماي ساقتاۋ، ەت سۇرلەۋ كوپشىلىك الدىندا جاسالدى. سونداي-اق، ديقاندار مەن باعبانداردىڭ جيناعان ونىمدەرى جينالعان جۇرتشىلىقتىڭ نازارىنا ۇسىنىلدى.
بۇدان بولەك، «ميزام» مەرەكەسىنە تۇسپا- تۇس كەلگەن «سىرگە جيار» (سىرگە مولدىرەتەر) داستۇرىنەن كورىنىس كورسەتىلدى. ءىس-شارا سوڭىندا ورتالىق ديرەكتورى جانىبەك تاعايەۆ اتالعان شاراعا جوعارى باعا بەرىپ، ۇيىمداستىرۋعا ۇلەسىن قوسقان ونەرپازدار مەن ۇجىمدارعا ارنايى العىس حات پەن سىي-سياپاتتار جاسادى.