شىمكەنتتىكتەر قالا كۇنىندە باۋىرساق پىسىرۋدەن رەكورد ورناتتى

شىمكەنت. قازاقپارات - شىمكەنتتىكتەر باۋىرساق پىسىرۋدەن رەكورد جاسادى.
None
None

قالا كۇنى اياسىندا «التىن ءدان» كومپانياسى شىمكەنت قالالىق اكىمدىگىنىڭ قولداۋىمەن 1136 كەلى باۋىرساق ءپىسىردى، دەپ حابارلايدى قازاقپارات ءتىلشىسى.

ناۋرىز الاڭىندا قازاقستاننىڭ «كينەس» رەكوردتار كىتابىنىڭ جاڭا رەكوردى تىركەلدى. 1 توننادان استام باۋىرساقتى قالانىڭ ۇزدىك 20 اسپازى ازىرلەدى. رەكورد جاساۋ ءۇشىن 750 كەلى ۇن، 400 ليتر ماي، 60 كەلى قانت پەن 150 ليتر ءسۇت جۇمسالدى.

باۋىرساق 10 قازاندا ءپىسىرىلدى. ال سالماعى ارنايى قازاندا ولشەندى. جاڭا رەكورد ورناتىلعانى تۋرالى ارنايى سەرتيفيكاتتى كومپانيا وكىلدەرىنە وبلىس اكىمى جانسەيىت تۇيمەبايەۆ پەن قالا اكىمى عابيدوللا ءابدىراحىموۆ تاپسىردى. ال رەكورد تىركەلگەن سوڭ، باۋىرساق قوناقتارعا تاراتىلدى. بۇل كۇنى مەرەكەگە 30 مىڭنان استام ادام قاتىستى.

ەسكە سالايىق، بۇعان دەيىنگى رەكورد الماتى قالاسىندا تىركەلگەن بولاتىن. وندا 856 كەلى باۋىرساق پىسىرىلگەن ەدى.

سوڭعى جاڭالىقتار