قازاقستاندىق عالىم تەلەفوندى ۇزاق ۋاقىت قۋاتتاماۋعا بولاتىن ءادىس ويلاپ تاپتى

استانا. قازاقپارات - نازاربايەۆ ۋنيۆەرسيتەتىنىڭ پروفەسسورى زينەتۋللا ەڭسەپوۆ بولاشاقتا ۇيالى تەلەفون باتەرەيالارىنىڭ قۋات كۇشىن قازىرگىدەن بىرنەشە ەسەگە ارتتىراتىن تەحنولوگيانى پاتتەنتەدى.
None
None

بۇل تۋرالى Sputnik قازاقستان جازادى.

«تەلەفوننىڭ ەڭ وزەكتى تۇسى - بۇل باتەرەيا. ءسىز ونى قۋاتتايسىز، ال ول تەز وتىرىپ قالادى. تەلەفونداردىڭ كەلەسى بۋىنىندا قۋاتى ازايمايتىن باتەرەيالار بولادى. ماسەلەن، 150 جىلعا جەتەتىن. ونى جاساۋ ءۇشىن وتىن جىبەرە الاتىن ناسوس كەرەك. قازىر دە ونداي باتەرەيالار بار، ءبىراق ولشەمدەرى وتە ۇلكەن. ال ونى تەلەفونعا بەيىمدەسەڭىز ىستەمەي قالادى. ال ءبىزدىڭ قۇرىلعى ونى ىڭعايلى ەتىپ جاساۋ كەرەك»، - دەيدى پروفەسسور.

عالىمنىڭ ايتۋىنشا، ونداي باتەرەيالار كەلەشەكتە سۋتەكتى وتىن كومەگىمەن جۇمىس ىستەۋى كەرەك.

«باسقا كانالمەن اۋا قوزعالاتىن بولادى. بۇل ەكى كومپونەنت كەزدەسىپ، ەلەكتر تۋدىرادى. ياعني، ءسىزدىڭ تەلەفونىڭىزدا وزىندىك پاراۆوز بولادى. تەلەفونىڭىز قىزىپ كەتپەيدى»، - دەيدى ول.

بۇل ەرەكشە وي پروفەسسوردىڭ باسىنا 10 جىل بۇرىن كەلگەن. تەحنولوگيانى قۇراستىرۋمەن 2006 -جىلى امەريكادا باستاپتى. قازىر ول امەريكالىق جانە رەسەيلىك ارىپتەستەرىمەن بىرگە تەحنولوگيانى جەتىلدىرىپ جاتىر.

  

سوڭعى جاڭالىقتار