سپيد-تەن ايىعىپ كەتكەن تۇڭعىش ادامنىڭ تاريحى - فوتو، ۆيدەو

استانا. قازاقپارات - سپيد-تى ەمدەۋ تاسىلدەرى شەتەلدە كوپتەن قولدانىلىپ كەلەدى.

ءبىراق وپەراتسيالاردىڭ ەشقايسىسى تابىستى ناتيجە بەرمەگەن.

تەك بىرەۋىنەن باسقاسى. 2007 -جىلى اقپاندا امەريكالىق تيموتي رەي براۋن ترانسپلانتاتسياعا كەلىسەدى. ال ءۇش ايدان سوڭ ونىڭ قانىنان ەشقانداي ۆ ي چ بەلگىلەرى تابىلماعان.

براۋننان 1995 -جىلى ۆ ي چ- ينفەكسياسى تابىلادى. ول 10 جىل بويى ءدارى قابىلداپ، جاعدايىن دۇرىستاپ جۇرگەن. ءبىراق 2006 -جىلى دەنساۋلىعى كۇرت ناشارلاپ كەتەدى. وسىدان كەيىن باعانالىق جاسۋشالارىن اۋىستىرۋدان باسقا امال قالمايدى.

«2007 -جىلى 6 -اقپاندى ءوزىمنىڭ جاڭا تۋعان كۇنىم دەپ سانايمىن. ترانسپلانتاتسيا كۇنى مەن انتيرەتروۆيرۋستى پرەپاراتتار قابىلداۋدى توقتاتتىم. ءۇش ايدان سوڭ مەنىڭ قانىمنان ۆ ي چ تابىلعان جوق. مەن جۇمىس پەن جاتتىعۋ زالىنا قايتا ورالدىم»، - دەيدى ول.

ەۆروپالىق ءناسىلدىڭ ىشىندە ءبىر پايىزعا جۋىعى ەرەكشە مۋتاتسياعا يە. براۋندى ەمدەگەن دارىگەرلەر سول مۋتاتسيا وكىلىنىڭ باعانالىق كلەتكالارىن تاڭداپ العان.

«وكىنىشكە قاراي ا ق ش- قا كەلگەن سوڭ مەندە وكپە قابىنۋى پايدا بولىپ، 2008 -جىلى ەكىنشى رەت ترانسپلانتاتسيا جاسالدى. مەن ەشتەڭە كورمەي، مۇگەدەك بولىپ قالدىم. سودان باستاپ ءجۇرۋدى قايتادان ۇيرەندىم. تەك التى جىل وتكەن سوڭ تولىق قالپىما كەلدىم»، - دەيدى براۋن.

2012 -جىلى ۆاشينگتوندا وتكەن سپيد بويىنشا حالىقارالىق كونفەرەنسيادا براۋندTimothy Ray Brown Foundation قورىنىڭ قۇرىلعانى تۋرالى جاريالايدى.