استانادا ءتۇرلى ەلدىڭ ەلشىلەرى اعاش وتىرعىزدى

«جوسپارلانعانداي، «عاشىقتار» ساياباعىنىڭ اۋماعىندا 90 اعاش وتىرعىزىلدى. اتالمىش شارادا رەسەي، گرۋزيا، ازەربايجان، تۇرىكمەنستان، تۇركيا، برازيليا، پورتۋگاليا، ساۋد ارابياسى، ۆاتيكان جانە ت. ب. ەلدەردىڭ ەلشىلەرى قاتىسۋدا»، - دەپ جازىلعان حابارلامادا.
بۇعان دەيىن ەلوردا اكىمدىگىنىڭ رەسمي سايتىندا حابارلانعانداي، سەنبىلىككە 8500 دەن ادام، 425 تەن استام پيك جانە 123 تەحنيكانى جۇمىلدىرۋ جوسپارلانعان. پيك جانە وزگە دە ۇيىمداردىڭ باسشىلارىمەن قالا اۋدانىن سانيتارلىق تازالاۋ، اۋدان اۋماعىن اباتتاندىرۋ، كىرەبەرىستەر مەن توبە جابىندىلارىن جوندەۋ، قورشاۋلار مەن قاسبەتتەردى جاڭارتۋ، قۇرىلىس قوقىسىن جانە تۇرمىستىق قالدىقتاردى سىرتقا شىعارۋ سىندى مەرزىمدىك كۇزگى- قىسقى جۇمىستار اتقارىلادى.
ونىمەن بىرگە جالپىقالالىق سەنبىلىك بارىسىندا 255 اعاش وتىرعىزىلماق:
- «ەسىل» اۋدانى بويىنشا 95 اعاش («عاشىقتار» ساياباعىندا)؛
- «سارىارقا» اۋدانى بويىنشا 160 اعاش (گەتە جانە كونستيتۋتسيا كوشەلەرى).