15:10, 30 - قىركۇيەك 2017 | GMT +5
قاراعاندىدا ورتەنىپ جاتقان ۇيدەن ءۇش بالا قۇتقارىلدى
قاراعاندى. قازاقپارات - قاراعاندىدا ءورت شىققان 5 قاباتتى ۇيدەن ءورت سوندىرۋشىلەر ءۇش بالا مەن ەكى مۇمكىندىگى شەكتەۋلى ادامدى قۇتقاردى، دەپ حابارلايدى «قازاقپارات» ح ا ا ءتىلشىسى.

ءۇش بولمەلى پاتەر ورتەنگەن. ءورت ءسوندىرۋ قىزمەتكەرلەرى جالپى 10 ادامدى قاۋىپسىز جەرگە كوشىرگەن.
«29 -قىركۇيەك كۇنى 18:12 دە ءورت ءسوندىرۋ قىزمەتىنە «رەسپۋبليكا داڭعىلى، 8» مەكەنجايىندا ورنالاسقان 5 قاباتتى تۇرعىن ۇيدەن ءورت شىققانى تۋرالى حابار كەلدى. جىلدام جەتىپ بارعان قىزمەتكەرلەر ءۇش بولمەلى پاتەردە ءۇي جيھازدارى مەن تۇرمىستىق بۇيىمداردىڭ ورتەنىپ جاتقانىن انىقتاعان»، - دەپ مالىمدەدى قاراعاندى وبلىستىق ت ج د رەسمي وكىلى جاننا داۋرەنبەكوۆا.
ورتەنگەن پاتەردى بارلاۋ بارىسىندا بولمەلەردىڭ بىرىنەن ەر ادامنىڭ دەنەسى تابىلعان.
«ءورت 30 شارشى مەتردى شارپىعان. ەر ادامنىڭ ءولىمى مەن ءورتتىڭ سەبەپتەرى انىقتالۋدا»، - دەدى ج. داۋرەنبەكوۆا.
تەرگەۋدى پوليتسيا جۇرگىزىپ جاتىر. ولار ەر ادامنىڭ كىممەن تۇرعانىن، ونىڭ ءدال نەدەن ولگەنىن انىقتايدى.