تۇڭعىش كاسپي تەڭىزى ساياحاتىنا جۋرناليستەر اتتاناتىن بولدى

استراحان. قازاقپارات - استراحان وبلىسىنىڭ گۋبەرناتورى الەكساندر جيلكين ءۇشىنشى كاسپي مەديافورۋمىندا كاسپي ماڭى ەلدەرىنىڭ جۋرناليستەرىن الداعى ۋاقىتتا جاڭا كرۋيزدىك لاينەرمەن جەر شارىنداعى ەڭ ۇلكەن مۇحيتپەن شەكتەسپەيتىن تەڭىزگە تۇڭعىش رەتكى ساياحاتقا شاقىردى، دەپ حابارلايدى «قازاقپارات» ح ا ا ءتىلشىسى.

الەكساندر جيلكيننىڭ سوزىنە قاراعاندا، كرۋيزدىك لاينەر «لوتوس» كەمە جاساۋ زاۋىتىندا جاسالادى. «كەلەر جىلدىڭ اقپانىندا ءۇش ءجۇز تۋريسكە ارنالعان لاينەر سۋعا تۇسىرىلەدى. ولاردىڭ اراسىندى كاسپيي ماڭى ەلدەرىنىڭ جۋرناليستەرى دە بولۋى مۇمكىن»، - دەدى ول.

بۇرىن حابارلانعانىنداي، ءتورت پالۋبالى ۇلكەن ساياحات كەمەسى رەسەيدە العاش رەت جاسالۋدا. «استراحان وبلىسىنىڭ اۋماعىندا مۇنداي كەمەنىڭ جاسالۋى كاسپيي ماڭى ەلدەرىنىڭ تۋريزم سالاسىندا تىعىز بايلانىستار ورناتۋدى قامتاماسىز ەتەدى. ويتكەنى، كرۋيزدىك لاينەرلەرگە سۇرانىس تەك رەسەيدە عانا ءوسىپ وتىرعان جوق قوي»، - دەدى الەكساندر جيلكين.