اۋعانستاننان كەلگەن ورالمان سوتتىڭ كومەگىمەن قۇجاتتارىن الدى

اۋعانستاندا تۋعان، قازىرگى كەزدە بايزاق اۋدانىنىڭ سارىكەمەر اۋىلىندا تۇراتىن جۇما عۇلام ساحي اۋداندىق سوتتىڭ ءتوراعاسىنا ءوزىنىڭ تۋىستىق قاتىناستارى بويىنشا ازاماتتىق ءىسىن ادال قاراعانى ءۇشىن العىس حات جولدادى.
2016 -جىلى جۇما عۇلام ساحي وتباسىمەن بىرگە اۋعانستان يسلام رەسپۋبليكاسىنان قازاقستانعا كوشىپ كەلگەن بولاتىن. ورالمان كۋالىگىن العانمەن، كوپ ۋاقىت بالالارىنا تۋۋ تۋرالى كۋالىك الا الماي كەلگەن. اتا- انا مەن بالالار اراسىنداعى تۋىستىق قاتىناستارىنىڭ زاڭدى دەرەگىن انىقتاۋ جونىندە سوتقا ءوتىنىش جولداعان. سوتتىڭ ۇكىمى ا ح ا ت بولىمىندە ءوتىنىش بەرۋشىنىڭ ماسەلەسىن شەشۋگە جاعداي جاساعان، دەپ مالىمدەدى بايزاق اۋداندىق سوتىنداعىلار. حات اۆتورى ءوز ريزاشىلىعىن فەيسبۋك ارقىلى دا جاريالاعان.
قازاقستان رەسپۋبليكاسى جوعارعى سوتىنىڭ كەڭەيتىلگەن كەڭەسىندە جامبىل وبلىستىق سوتىنىڭ ءتوراعاسى رۇستەم الشىنبايەۆ تۇرعىنداردىڭ تۇلعاسىن راستايتىن قۇجاتتارىن الا الماي جۇرگەن الەۋمەتتىك ءالسىز توپتارىن قۇجاتتاندىرۋ تاقىرىبىن قوزعاپ، مۇنداي ماسەلەلەر سوتتىڭ باسقا مەملەكەتتىك ورگاندارمەن ارەكەتتەستىگى ارقىلى ءتيىمدى شەشۋگە بولاتىنىن ايتقان ەدى.