13:41, 30 - قىركۇيەك 2017 | GMT +6
الەمدىك مۇناي باعاسى قايتا وسە ءتۇستى
استانا. قازاقپارات - نيۋ-يورك جانە لوندون بيرجالارىندا ءوتىپ جاتقان ەلەكتروندىق ساۋدا- ساتتىقتا مۇنايدىڭ باعاسى قايتا كوتەرىلدى، دەپ حابارلايدى «قازاقپارات» ح ا ا ساۋدا كورسەتكىشتەرىنە سىلتەمە جاساپ.
لوندوننىڭ ICE Futures بيرجاسىندا قاراشا ايىندا جەتكىزىلەتىن Brent ماركالى مۇنايدىڭ فيۋچەرستەرى ءبىر باررەلگە 0,13 دوللارعا دەيىن قىمباتتاپ، 57,54 دوللاردى قۇرادى.
نيۋ-يورك تاۋار بيرجاسىندا (NYMEX) WTI ماركالى جەڭىل مۇنايدىڭ قاراشا ايىنداعى فيۋچەرستەرى 0,11 دوللارعا قىمباتتاپ، ءبىر باررەلگە 51,67 دوللاردى قۇرادى.
