وڭتۇستىك قازاقستاندا العاش رەت قىركۇيەكتە قار جاۋدى - فوتو

شىمكەنت. قازاقپارات - وڭتۇستىك قازاقستان وبىلىسىندا العاش رەت رەت قىركۇيەكتە قار جاۋدى. اق ۇلپا ءوڭىردىڭ تاۋلى دەگەن تولە ءبي، تۇلكىباس اۋداندارىنا جاۋعان، دەپ حابارلايدى قازاقپارات ءتىلشىسى.
None
None

تۇرعىندار جاۋعان قاردىڭ سۋرەتىن الەۋمەتتىك جەلىدە جاريالاۋدا. كەشەلى بەرى كۇن كۇرت سۋىتقان وڭىردە جاۋىننىڭ سوڭى وسىلايشا قارعا ۇلاستى. ەلىمىزدىڭ سولتۇستىك جانە ورتالىق وبلىستارىندا قار قىركۇيەكتىڭ 23 ى كۇنى جاۋعان بولاتىن. سونىڭ سۋىعى ەندى وڭتۇستىك وڭىرگە دە كەلىپ جەتتى.



تاۋلى اۋداننىڭ تۇرعىندارى قاردىڭ جاۋاتىنىن كۇتپەگەندىكتەن، وعان اسا قۋانا قويمادى. سەبەبى، جەرگىلىكتى تۇرعىندار قىسقى وتىندى ازىرلەپ ۇلگەرمەگەن ەدى. ال سينوپتيكتەر بولسا اپتا باسىندا ەل اۋماعىندا اۋا رايى قۇبىلىپ، كۇننىڭ سۋىتاتىنىن، جاڭبىردىڭ سوڭى قارعا ۇلاساتىنىن حابارلاعان بولاتىن.



بۇگىن دە دابىلدى ەسكەرتۋ جاسالدى. 29 -قىركۇيەكتە تۇندە وڭتۇستىك قازاقستان وبلىسىنىڭ تاۋلى جەرلەرىندە قاتتى جاۋىن-شاشىن كۇتىلەدى. جاڭبىردىڭ سوڭى سۋلى قارعا اۋىسادى دەپ بولجانعان. تاۋلىك بويى كەي جەرلەردە سولتۇستىك- باتىستان 15-20، ەكپىنى 23-28 م/س جەلدىڭ كۇشەيۋى ساقتالاتىنى ەسكەرتىلدى. ال، قىركۇيەكتىڭ 29 نان 30 نا قاراعان ءتۇنى اۋا تەمپەراتۋراسى كەي جەرلەردە 3 گرادۋسقا دەيىن تومەندەيدى.

 

 

  

سوڭعى جاڭالىقتار