قاشاعاندى لاڭكەستىك شابۋىلدان قورعاۋعا ءتيىسپىز - ەرعوجين

استانا. قازاقپارات - كاسپي تەڭىزىندە لاڭكەستىك وپەراتسيالاردىڭ جاسالۋىنا ەشقانداي العىشارت جوق. بۇل تۋرالى بۇگىن ق ر ۇلتتىق قاۋىپسىزدىك كوميتەتى ءتوراعاسىنىڭ ورىنباسارى داۋلەت ەرعوجين ءمالىم ەتتى،
None
None

 دەپ حابارلايدى قازاقپارات.

 «زاڭ جوباسىندا تەڭىز جەدەل شتابىن قۇرۋدى كوزدەيدى. بۇگىنگى كۇنى جۇمىس ىستەيتىن بارلىق شتابتار قازاقستاننىڭ جەر ءۇستى اۋماعىن عانا قامتيدى. تەڭىز كەڭىستىگىندە شتاب جوق. سوندىقتان دا زاڭنامالىق تۇرعىدا تەڭىزدە لاڭكەستىككە قارسى ءىس- شارالاردى جۇرگىزۋ مۇمكىنشىلىگىن بەكىتكىمىز كەلەدى. ول ءۇشىن ءبىز شەكارا قىزمەتىمىزگە، ونىڭ ءبىزدىڭ دەپارتامەنتتەگى وكىلىنە جەرگىلىكتى جەرلەردە سايكەسىنشە شتاب قۇرا وتىرىپ، لاڭكەستىككە قارسى ارەكەت ەتۋىنە قۇزىرەت بەرمەكپىز»، - دەدى ق ر  ۇ ق ك ءتوراعاسىنىڭ ورىنباسارى بۇگىن زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسياسىنىڭ كەزەكتى وتىرىسىندا «لاڭكەستىككە قارسى ءىس- قيمىل تۋرالى» ق ر زاڭىنا وزگەرتۋلەر ەنگىزۋ تۋرالى» زاڭ جوباسىنىڭ تۇجىرىمداماسىن تانىستىرعاننان كەيىن ب ا ق وكىلدەرىنە بەرگەن سۇحباتىندا.

 ونىڭ ايتۋىنشا، قازىرگى ۋاقىتتا بۇل باعىتتاعى جۇمىستاردى ق ر ۇلتتىق قاۋىپسىزدىك كوميتەتىنىڭ شەكارا قىزمەتى جۇزەگە اسىرۋدا. قاجەتتىلىك تۋىنداعان جاعدايدا وعان وزگە قۇقىق قورعاۋ ورگاندار مەن قارۋلى كۇشتەر دە جۇمىلدىرىلىپ كەلەدى.

 «كاسپي تەڭىزىندە لاڭكەستىك وپەراتسيانىڭ جاسالۋىنا ەشقانداي العىشارت جوق. دەگەنمەن، قاۋىپسىزدىكتى قامتاماسىز ەتۋ، ونىڭ ىشىندە جەرۇستى جانە جەرۇستىندەگى ەمەس نىسانداردى قورعاۋ ءۇشىن بارلىق شارالاردى قابىلداۋىمىز قاجەت. بىزدە تەڭىزدە كەن ورىندار وتە كوپ. ماسەلەن، قاشاعان بار. ول لاڭكەستىك شابۋىلعا ءالسىز نىسان جانە ونى قورعاۋعا ءتيىسپىز»، - دەدى ەرعوجين.

ونىڭ اتاپ وتۋىنشە، زاڭ جوباسىن وسى جىلدىڭ 1- قاراشاسىندا پارلامەنت قاراۋىنا ەنگىزۋ جوسپارلانىپ وتىر.

زاڭ جوباسى 2018 -جىلدىڭ 1- قاڭتارىنان كۇشىنە ەنەدى دەپ كۇتىلۋدە.

اۆتور: مارلان جيەمباي

سوڭعى جاڭالىقتار