رەسەي قازاعى لاتىن ءالىپبيىنىڭ جاڭا نۇسقاسىن ۇسىندى

  استانا. قازاقپارات - بۇگىن استانادا وتكەن باسپا ءسوز ءماسليحاتىندا شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ- ادىستەمەلىك ورتالىعىنىڭ ديرەكتورى ەربول تىلەشوۆ ەلىمىز بويىنشا لاتىن الىپبيىنە قاتىستى پىكىرلەر مەن نۇسقالاردىڭ تولاسسىز كەلىپ جاتقاندىعىن ايتتى.
None
None

ونىڭ ايتۋىنا قاراعاندا پىكىرلەردىڭ كوبى سىني تۇرعىدا جولدانعان. ال لاتىن ءالىپبيىنىڭ 20 دان استام ءتۇرى كەلىپ تۇسكەن.

«ءالىپبيدىڭ العاشقى نۇسقاسى پارلامەنتتە تانىستىرىلدى. بۇل نۇسقا بويىنشا قوعامدا قازىر الۋان پىكىر ايتىلىپ جاتىر. دۇنيەجۇزى قازاقتارىنىڭ بەسىنشى قۇرىلتايىندا ەلباسى سىرتتا جۇرگەن 5 ميلليون قازاققا ورتاق تانىس ءالىپبي بولادى دەدى. سوندىقتان ءبىز وسى ءالىپبيدىڭ نۇسقاسىن ازىرلەۋدە كلاسسيكالىق لاتىن الىپبيىنە سۇيەندىك. كوپتەگەن ازامات، پىكىر ءبىلدىرۋشى ۇسىنىلعان نۇسقانى كومپيۋتەردىڭ پەرنەتاقتاسىنا نەمەسە اعىلشىن تىلىنە نەگىزدەلگەن دەپ ايتادى. اعىلشىن ءتىلى دە، كومپيۋتەر دە كەيىن پايدا بولعاندار. ءبىز ەڭ باستى ءتۇپنۇسقا 26 تاڭبادان تۇراتىن لاتىن ءالىپبيىن نەگىزگە الدىق. سوندىقتان كومپيۋتەردىڭ پەرنەتاقتاسى نەمەسە اعىلشىن تىلىمەن سالىستىرمايىق»، - دەدى ەربول تىلەشوۆ لاتىن الىپبيىنە كوشۋ ماسەلەسىنە ارنالعان باسپا ءسوز ءماسليحاتىندا.

سونىمەن قاتار، قازىرگى ۋاقىتتا جۇمىس توبىنا ەل ازاماتتارىنان ءالىپبي نۇسقالارى كەلە باستاعان. ءتىپتى شەتەلدە تۇراتىن قانداستارىمىز دا قازاق ەلىنىڭ لاتىن الىپبيىنە كوشۋىنە بەي- جاي قارامايتىندىقتارىن ءبىلدىرىپتى.

«قازىردىڭ وزىندە ەلىمىزدىڭ 20 دان استام ازاماتى ءوز نۇسقاسىن ۇسىندى. ىشىندە قايتالانعاندارى دا بار، ءبىراق نەگىزگىلەرى جاڭادان كەلىپ تۇسكەن. رەسەيدە تۇراتىن دانيار دەگەن ازامات ءوز نۇسقاسىن جىبەردى. سوسىن، مىسالى، ءوز ەلىمىزدە ماڭعىستاۋدان ءبىر ازاماتتان كەلىپ ءتۇستى. ماماندار ءبارىن قاراپ، ساراپتاپ جاتىر»، - دەدى ورتالىق ديرەكتورى.

ەربول تىلەشوۆ كەلىپ جاتقان ۇسىنىستاردىڭ كوبىندە قاي نۇسقاعا كوبىرەك توقتالىپ جاتقانىن دا ايتتى.

«ءبىرقاتار تاڭباعا، اسىرەسە ديگرافتارعا، سونداي- اق «w» ارپىنە بايلانىستى، «ڭ» دىبىسىنا بايلانىستى ۇسىنىستار ءتۇستى. كاسىبيدەن بولەك، اۋەسقوي ۇسىنىستار دا كوپ. جالپى، 1600 گە جۋىق ۇسىنىس- پىكىردى جيناپ، ساراپتادىق، ۇشكە بولدىك. ءبىرىنشىسى، ءالىپبيدىڭ قوعامدىق- الەۋمەتتىك ماڭىزىنا، ەكىنشىسى، قازاق ءتىلى مەن مەملەكەتتىك تىلگە جانە تازا وسى الىپبيگە بايلانىستى ۇسىنىستار»، - دەيدى ەربول تىلەشوۆ.

ال مادەنيەت جانە سپورت مينيسترلىگى تىلدەردى دامىتۋ جانە قوعامدىق- ساياسي جۇمىس كوميتەتىنىڭ ءتوراعاسى قۋانىش اسىلوۆ لاتىن الىپبيىنە كوشۋ بويىنشا جۇمىس قاشان باستالعانىن ايتتى.

«سودان بەرى كوميتەت تاراپىنان كوپتەگەن ۇيىمداستىرۋشىلىق، عىلىمي جانە وزگە دە دايىندىق شارالارى وتكىزىلدى. دايىندىق بارىسىندا بەلگىلى عالىمداردىڭ قاتىسۋىمەن لاتىن الىپبيىنە كوشۋدىڭ تاريحي، الەۋمەتتىك، ءتىلتانىمدىق نەگىزدەرى جان- جاقتى تالقىلاندى. حالىقتىڭ پىكىرىن ءبىلۋ ماقساتىندا ءتۇرلى زەرتتەۋلەر جاسالدى. جۇمىس بارىسىندا ءبىز قازاق ءالىپبيىن لاتىن گرافيكاسىنا كوشىرۋدى حالىق تولىعىمەن قولدايتىنىنا كوز جەتكىزدىك»، - دەدى مينيسترلىك وكىلى.

 ەرجان جاۋباي

Baq.kz

سوڭعى جاڭالىقتار