ماڭعىستاۋ وڭىرىنە جاپون تۋريستەرىنىڭ قىزىعۋشىلىعى ارتىپ كەلەدى

استانا. قازاقپارات - ماڭعىستاۋ وبلىسىنىڭ تۋريزم باسقارماسىنىڭ باسشىسى گۇلجان بايجاۋنوۆا «Mangistau tourism workshop»  فورۋمىندا كيەلى وڭىرگە تۋريستەر اعىنى نەلىكتەن ارتىپ كەلە جاتقانىن ايتىپ بەردى، دەپ حابارلايدى «قازاقپارات» ح ا ا ءتىلشىسى.
None
None

باسقارما باسشىسىنىڭ ايتۋىنشا، ماڭعىستاۋ وڭىرىندە تۋريزمنىڭ بارلىق ءتۇرىن دامىتۋعا تولىق مۇمكىندىك بار.

«اقتاۋداعى تەڭىز پورتىن قازاقستانداعى تەڭىز قاقپاسى دەپ تە اتايدى. ويتكەنى، ءدال سول جەردەن شيكى مۇناي ونىمدەرىنىڭ تاسىمالى جۇزەگە اسادى. ءبىزدىڭ قىستىگۇنى قاتپايتىن كاسپييىمىز تاۋلىگىنە 24 ساعات، جىلىنا 12 اي بويى توقتاماي جۇمىس اتقارادى»، - دەيدى گۇلجان بايجاۋنوۆا.

ونىڭ ايتۋىنا قاراعاندا، وبلىس ورتالىعىنان جولعا شىققاننان كەيىن بەكەت اتا، شوپان- اتا، شاقپاق اتا سەكىلدى قاستەرلى ورىنداردى ارالاپ قايتۋعا بولادى. ماڭىستاۋدا 362 كيەلى ورىن بار. سونداي- اق، گۇلجان بايجاۋنوۆا ءۇستىرت مەن تاريحى تەرەڭدەگى قىزىل قالانىڭ تاريحىنان سىر شەرتىپ، ۇلى جىبەك جولى ءدال وسى ءوڭىردى كەسىپ وتكەنىن تىلگە تيەك ەتتى. ءبىر قىزىعى، كۇنشىعىس ەلىنىڭ تۋريستەرى ماڭعىستاۋ وڭىرىنە ەرەكشە قىزىعۋشىلىق تانىتادى ەكەن.

 «ءۇستىرت شوقىسىنىڭ باتىس كەرتپەشىندەگى ەڭ كوركەم ءارى كورۋگە تاماشا جەرى - بوزجىراعا جىل سايىن جاپونيادان 300 تۋريست كەلەدى. جالپى، باسقا ەلدەردىڭ تۋريستەرىنىڭ ماڭعىستاۋ وڭىرىنە جاساعان ساپارلارى جيىلەي ءتۇستى. ولار «ءبىز مۇنداعى الەمنىڭ كەز كەلگەن نۇكتەسىندە قايتالانا بەرمەس تاڭنىڭ اتۋى مەن كۇننىڭ باتۋىن ءوز كوزىمىزبەن كورگىمىز كەلەدى» دەپ ايتادى»، - دەيدى باسقارما باسشىسى.

اۆتور: ايان بەكەن ۇلى

سوڭعى جاڭالىقتار