تانىمال تەلەجۋرناليست بەيسەن قۇرانبەك تالدىقورعان قالاسىنىڭ قۇرمەتتى ازاماتى اتاندى

بۇگىندە تالدىقورعان قارىشتاپ دامىپ كەلە جاتقان قالا. سوڭعى سەگىز ايدا ونەركاسىپ ءونىمىنىڭ كولەمى 43,3 ميلليارد تەڭگەگە جەتتى. قالا ەكونوميكاسىنا 29,8 ميلليارد تەڭگەدەن استام ينۆەستيسيا تارتىلدى. وبلىس ورتالىعىندا قۇرىلىس قارقىندى. بيىلدىڭ وزىندە «نۇرلى جەر» باعدارلاماسى اياسىندا 168 پاتەرلىك كوممۋنالدىق 64 پاتەرلىك نەسيەلىك ءۇي پايدالانۋعا بەرىلدى. بۇل جونىندە وبلىس اكىمى ءوزىنىڭ قۇتتىقتاۋىندا اتاپ ءوتتى.
يگى ءداستۇر بويىنشا قالانىڭ ءوسىپ-وركەندەۋىنە ۇلەس قوسقان، بەلسەندى ازاماتتارعا «تالدىقورعان قالاسىنىڭ قۇرمەتتى ازاماتى» اتاعى بەرىلدى. ولاردىڭ قاتارىندا قازاق كينوسىنىڭ التىن قورىنان ورىن العان «تاقيالى پەرىشتە» فيلمىندەگى تايلاقتىڭ ءرولىن سومداعان اكتەر، ق ر مادەنيەت قايراتكەرى، الماتى وبلىسىنىڭ قۇرمەتتى ازاماتى ءالىمعازى سماعۇل ۇلى رايىمبەكوۆ، «K LACTIS LTD» ج ش س باسشىسى، قالالىق ءماسليحات دەپۋتاتى باقىت ەرعازى ۇلى ارقابايەۆ، «جەتىسۋ» وبلىستىق تەلەارناسىنىڭ ديرەكتورى، حالىقتىڭ سۇيىكتى حابارىنا اينالعان «ايتۋعا وڭاي» باعدارلاماسىنىڭ جۇرگىزۋشىسى بەيسەن اباي ۇلى قۇرانبەك جانە ريو وليمپياداسىنىڭ جۇلدەگەرى، اۋىر اتلەت كارينا گوريچەۆا دا بار.
اۆتور: سامال قابىشەۆا