اتىراۋدا حالىقارالىق اقىندار ايتىسى ءوتىپ جاتىر

سايىسقا تەك قازاقستاندىق ءسوز شەبەرلەرى ەمەس، قىتاي، موڭعوليا، قىرعىزستان، وزبەكستان مەملەكەتتەرىن كەلگەن 20 اقىن ءتۇسىپ جاتىر.
ايتىسقا ءاسانالى ءاشىموۆ، نەسىپبەك ايت ۇلى، ەسەنعالي راۋشانوۆ، مەرەكە قۇلكەنوۆ، باۋىرجان حاليوللا، التىنبەك قورازبايەۆ، سۆەتقالي نۇرجان سىندى ەلگە بەلگىلى ازاماتتار قازىلىق ەتۋدە. ايتىستى تاماشالاۋعا وبلىس اكىمى نۇرلان نوعايەۆتىڭ كەلىپ، اقىندارعا ساتتىلىك تىلەدى.
«بۇل ايتىستى باۋىرلاس ازاماتتاردىڭ اراسىنداعى قارىم-قاتىناستى جانداندىرا تۇسەتىن شارا دەپ ويلايمىز. اتىراۋ جەرىنە قوش كەلدىڭىزدەر!» - دەدى نۇرلان نوعايەۆ.
ءوڭىر باسشىسى، سونىمەن قاتار، ءتول ونەرگە جاناشىرلىق تانىتىپ جۇرگەن ءجۇرسىن ەرمانعا، جەرگىلىكتى جانە الىستان كەلگەن اقىندار مەن قازىلار القاسىنا ريزاشىلىعىن ءبىلدىرىپ، شارانىڭ ەلباسىنىڭ «رۋحاني جاڭعىرۋ: بولاشاققا باعدار» باعدارلاماسىن جۇزەگە اسىرۋ اياسىندا ءوتىپ جاتقانىن ايتتى.
ايتا كەتەلىك، ەكى كۇندىك اقىندار ايتىسىنىڭ قورىتىندىسى بۇگىن بەلگىلى بولادى.