تالدىقورعاندا ءبىر ءۇيدىڭ ءۇش كەلىنى ۇرى بولىپ شىقتى

تالدىقورعان. قازاقپارات - تالدىقورعاندا قالتا ۇرلىعىمەن اينالىساتىن ءۇش كەلىننىڭ بىرەۋى تۇتقىندالدى.
None
None

قالعان ەكى ابىسىن كۇدىكتىلەر تىزىمىنە ءىلىنىپ، ازىرشە بوستاندىقتا ءجۇر، دەپ حابارلايدى قازاقپارات ءتىلشىسى.

جاقىندا عانا تالدىقورعان قالاسىنىڭ ورتالىق بازارىندا كۇدىكتى ەلەنا كوزلوۆسكايانىڭ ۇرلىق جاساپ جاتقان ءساتى بەينەباقىلاۋ كامەراسىنا ءتۇسىپ قالعان. كوپ ۇزاماي وسى دەرەك بويىنشا زارداپ شەككەن ازامات قالالىق ىشكى ىستەر باسقارماسىنا ارىزداندى.

ءتارتىپ ساقشىلارى ءىزىن سۋىتپاي كۇدىكتىنى قولعا ءتۇسىردى. سەبەبى ازاماتشا بۇعان دەيىن دە ءدال وسى سىندى قىلمىستارى ءۇشىن ءىستى بولعان.

ەلەنا كوزلوۆسكايا بوتەننىڭ مۇلكىن ۇرلاۋ كەزىندە بىرنەشە رەت سىرتقى كەيىپىن وزگەرتكەن. ماسەلەن، بەينەجازبانىڭ بىرىنە تۇسكەن ساتتە ول جاساندى شاش كيىپ جانە كيىمىن اۋىستىرعان.

تەرگەۋشىلەر ەلەنانىڭ جالعىز ەمەستىگىن انىقتادى. ءبىر قىزىعى ونىڭ سىبايلاستارى ءوزىنىڭ ابىسىندارى بولىپ شىقتى. ۇشەۋى دە اعايىندى سىعانداردىڭ ايەلدەرى.

«ەلەنا كوزلوۆسكايا، ماكسيموۆا ەۆدوكيا، احمەتوۆا جانار اتتى كەلىندەر ءبارى بىرگە تۇرادى. بۇلاردىڭ بارلىعى دا قالتا ۇرلىعىمەن اينالىسادى. قازىرگى ۋاقىتتا بارلىق ءىس شارالار جۇرگىزىلۋدە. تالدىقورعان قالالىق ورتالىق بازارىندا جۇمىس ىستەيتىن ساتۋشىلارعا، بارلىقتارىنا سىلتەمە تاراتىلعان»، دەدى تالدىقورعان قالالىق ءى ءى ب ءبولىم باستىعى اسحات اراپوۆ.

ولار تالدىقورعان، كوكسۋ اۋدانى مەن الماتى قالاسىنىڭ قوعامدىق ورىندارىندا ۇزاق ۋاقىت بويى ۇرلىق جاساعان دەگەن دە اقپارات بار. تەرگەۋشىلەردىڭ سوزىنشە، قالتا ۇرىلارىن ۇستاۋ وڭاي، ال قىلمىسىن دالەلدەۋ قيىن. ويتكەنى كۇاگەرلەر مەن بەينەجازبا بولماسا ولار قىلمىستى مويىندامايدى ەكەن.

اۆتور: سامال قابىشەۆا

سوڭعى جاڭالىقتار