بىشكەك قازاقستاننىڭ كومىرىنەن باس تارتۋدى جوسپارلاپ وتىر

بىشكەك. قازاقپارات - كەلەسى جىلدان باستاپ بىشكەك تەك قىرعىزستاننىڭ وندىرگەن كومىرىمەن جىلىتىلادى دەپ جوسپارلانىپ جاتىر.

بۇل تۋرالى وسى ەلدىڭ ۇلتتىق ەنەرگو حولدينگىنىڭ باسشىسى ايبەك قاليەۆ ءمالىم ەتتى.

مامانداردىڭ ايتۋىنشا، بۇل - بىشكەك قالاسىنىڭ جىلۋ ەلەكتر ورتالىعىنا قىتايلىق كومپانيانىڭ جۇرگىزگەن كۇردەلى جوندەۋ جۇمىستارىنان كەيىن مۇمكىن بولعان.

ەگەر بۇدان بۇرىن ج ە و 512 مەگاۆاتت وندىرۋگە ەسەپتەلىپ، سوڭعى كەزدە ءوز كولەمىن 300 مەگاۆاتتقا دەيىن قىسقارتسا، جوندەۋ جۇمىستارىنان كەيىن ونىڭ مۇمكىندىگى 812 مەگاۆاتتقا دەيىن وسكەن.

ايتا كەتەيىك، بيىل 450 مىڭ توننا قازاقستان كومىرىن ساتىپ الۋ جوسپارلانعان. الايدا، كەلەسى جىلىتۋ ماۋسىمىنان باستاپ بىشكەك بيلىگى كارا-كەچە كەن ورنىندا وندىرىلەتىن وتاندىق كومىردى عانا پايدالانۋعا نيەتتى.