قازا تاپقان ءۇش كەنشىنىڭ ولىمىنە «ارسەلورميتتال تەمىرتاۋ» كومپانياسى كىنالى ەكەندىگى بەلگىلى بولدى

قاراعاندى. قازاقپارات - «ارسەلورميتتال تەمىرتاۋ» ا ق- نىڭ «قازاقستان» كومىر دەپارتامەنتى شاحتاسىندا بولعان توپتىق قايعىلى جاعداي سەبەپتەرىن تەكسەرۋ ناتيجەسى بەلگىلى بولدى، دەپ حابارلايدى «قازاقپارات» ح ا ا ءتىلشىسى.
None
None

ينۆەستيتسيالار جانە دامۋ مينيسترلىگى يندۋستريالدىق دامۋ جانە ونەركاسىپتىك قاۋىپسىزدىك كوميتەتى رەسپۋبليكالىق مەملەكەتتىك كوميسسياسى جۇمىسشىلاردىڭ قازا تابۋىنا جۇمىس بەرۋشىنىڭ كىنالى ەكەندىگى تۋرالى قورىتىندىعا كەلدى.

«جۇمىس بەرۋشىنىڭ 100 پروتسەنتتىك كىناسى، جۇمىسشىلاردىڭ 0-پروتسەنتتىك كىناسى انىقتالدى»، - دەپ مالىمدەدى قورىتىندىنى رەسپۋبليكالىق مەملەكەتتىك كوميسسيا مۇشەلەرىنىڭ ءبىرى.

كوميسسيا قۇرامىنا تەك يندۋستريالدىق دامۋ جانە ونەركاسىپتىك قاۋىپسىزدىك كوميتەتىنىڭ عانا ماماندارى ەمەس، سونداي-اق رەسەي فەدەراتسياسىنىڭ كومىر ونەركاسىبى سالاسىنداعى ساراپشىلارى دا كىردى.

كوميسسيا قورىتىندىسى ءۇش كەنشىنىڭ قازا تابۋ فاكتىسى بويىنگا تەرگەلىپ جاتقان قىلمىستىق ءىستىڭ ماتەريالدارىنا قوسىلۋ ءۇشىن قاراعاندى وبلىسى ىشكى ىستەر دەپارتامەنتىنىڭ تەرگەۋ باسقارماسىنا بەرىلەدى.

ەسكە سالايىق، 31 -تامىزدا تاڭعى ساعات 4 تەر شاماسىندا قاراعاندى وبلىسى شاحتينسك قالاسىنداعى «ارسەلور ميتتال تەمىرتاۋ» كومپانياسىنا تيەسىلى «قازاقستان» شاحتاسىندا كەنەت مەتان گازى تاراعان. شاحتادا 136 ادام ەۆاكۋاتسيالانىپ، ءۇش كەنشى - رۋستام احمەتجانوۆ، ۆالەري رۋدەنكو مەن ماكسيم شەبانوۆ قازا تاپقان.

قۇقىق قورعاۋ ورگاندارى «قازاقستان» شاحتاسىندا ەڭبەكتى قورعاۋ قاعيدالارىنىڭ بۇزىلۋ فاكتىسى بويىنشا سوتقا دەيىنگى ءوندىرىس باستادى. ق ر ق ك-نىڭ 156-بابىنىڭ 4- ءبولىمى «ابايسىزدا ەكى نەمەسە ودان كوپ ادامنىڭ ولىمىنە اكەپ سوقتىرعان ەڭبەكتى قورعاۋ ەرەجەلەرىنىڭ بۇزىلۋى» بويىنشا قىلمىستىق ءىس قوزعالدى.

سوڭعى جاڭالىقتار