ءسابينا التىنبەكوۆا اقتوبەدە ءوز كيىمدەرىنىڭ ءسان كورسەتىلىمىن وتكىزەدى

اقتوبەدە وتكەن «تۋعان جەر» فورۋمىنا ۆولەيبولشى ءسابينا التىنبەكوۆا دا قاتىستى. بارلىعى 20 ەلدەن 300 دەن استام اقتوبەلىك شاقىرىلعان فورۋمعا الەمنىڭ ءار تۇكپىرىندە جۇرگەن وتانداسىمىز كەلدى.
«مەن اقتوبەدە دۇنيەگە كەلدىم، وقىدىم. سوندىقتان فورۋمعا شاقىرۋ تۇسكەن كەزدە قۋانا قابىلدادىم. تەك قاتىسۋ نيەتىندە ەمەس، تۋعان جەردىڭ دامۋىنا ۇلەس قوسۋ ءۇشىن كەلدىم. قازىر قالادا ۆولەيبول كلۋبىن اشىلۋى تۋرالى سۇراقتار قارالىپ جاتىر. الداعى ۋاقىتتا بۇل جوبا قولداۋ تاۋىپ، ىسكە اسىرىلادى دەگەن سەنىم بار. سول كەزدە مەن دە سپورتتىڭ دامۋىنا ۇلەس قوسامىن»، - دەدى ول.
ءسابينا التىنبەكوۆا قازىرگى ۋاقىتتا الماتىدا جاڭا ۆولەيبول ماۋسىمىنا دايىندىق جۇرگىزىپ جاتىر. ول بار ۋاقىتىن سپورتقا ارناپ، دايىندىق جۇرگىزەدى. سەبەبى، باستى ماقساتى - مىقتى سپورتشى بولۋ. ءسابينا التىنبەكوۆا شىعارماشىلىق جۇمىستارىن قاتار الىپ ءجۇرۋدى جوسپارلاپ قويعان.
اقتوبەگە ساپارى كەزىندە وڭىردە كيىمدەر توپتاماسىنىڭ كورسەتىلىمىن جاساۋعا دايىندالىپ جاتقانىن جەتكىزدى.
ەسكە سالا كەتسەك، ۆولەيبولشى Zibroo Sportswear برەندىمەن بىرلەسە كيىمدەر توپتاماسىن دايىندادى. كيىمنىڭ لوگوتيپى ءسابيناعا ارنالىپ S20 بولدى. كيىمدەر توپتاماسىنا سپورتتىق كوستيۋمدەر ەنگەن.
«بۇل كوستيۋمدەر تەك قازاقستاندا شىعارىلادى. الداعى ۋاقىتتا جاڭا برەند كەڭ تانىلىپ، ساتىلۋ اۋماعى كەڭەيەدى دەگەن سەنىم بار»، - دەدى ول.
ەسكە سالساق، ءسابينا التىنبەكوۆا تايۆاندا وتكەن ازيا چەمپيوناتىندا ب ا ق نازارىنا ىلىكتى. بىرنەشە فوتوسۋرەتىنەن سوڭ ونى الەم تانىدى. اسىرەسە، شىعىس جانە وڭتۇستىك-شىعىس ازيادا سپورتشىنىڭ اتى ءجيى اتالدى.
ال 2015-جىلدىڭ كوكتەمىندە جاپونيالىق كلۋبتىڭ قاتارىنا الىنىپ، بىلىكتىلىگىن ارتتىردى. وسى جىلدىڭ ناۋرىز ايىندا «الماتى» كلۋبىنا قايتا ورالدى.
اۆتور: التىناي ساعىندىقوۆا