رەسەيدىڭ ومبى وبلىسىندا قازاقستان مەن قىتاي تاۋار وندىرۋشىلەر ورتالىعى اشىلادى
بۇل تۋرالى ش ى ۇ مەن بريكس قاتىسۋشى- ەلدەرى وڭىرلەرىنىڭ III شاعىن بيزنەس فورۋمىنىڭ پلەنارلىق وتىرىسىنىڭ قورىتىندىسىندا ومبى وبلىسىنىڭ گۋبەرناتورى ۆيكتور نازاروۆ مالىمدەدى، دەپ حابارلايدى «قازاقپارات» ح ا ا مەنشىكتى ءتىلشىسى.
«ءبىز مانجۋريادا ومبى ءوڭىرىنىڭ تاۋار وندىرۋشىلەرىنىڭ ساۋدا ءۇيىن اشتىق. تيىسىنشە، ءبىز ومبى وبلىسىندا قىتاي مەن قازاقستان تاۋار وندىرۋشىلەرىنىڭ ونىمدەرىن ساتۋعا ارنالعان وسىنداي ساۋدا ءۇيىن اشۋ يدەياسىن زەرتتەۋدەمىز. بۇل جوبا قازىر پىسىقتالىپ جاتىر. تاۋارلاردى كەدەندىك رەسىمدەۋ تۋرالى زاڭناماعا، باجسىز ساۋداعا قاتىستى ماسەلەلەر بويىنشا جۇمىس توبى قۇرىلادى»، - دەپ حابارلادى نازاروۆ.
ومبى وبلىسىنىڭ گۋبەرناتورى جوبانى جۇزەگە اسىرۋ كەلەسى جىلعا جوسپارلانعانىن ايتىپ ءوتتى. «قازاقستانمەن جاعداي تۇسىنىكتى. قىتايمەن ماسەلەنى شەشىپ جاتىرمىز. كەلەسى جىلى اتالمىش جوبانى جۇزەگە اسىرامىز دەپ ويلايمىن»، - دەدى نازاروۆ.
