پاۆلودارداعى كولونيادا كيىز ءۇي جاسالا باستادى - فوتو

پاۆلوداردا قىلمىستىق جازالاۋدى جۇزەگە اسىراتىن، قىلمىستىق- قۇقىقتىق ىقپال ەتۋدىڭ باسقا دا شارالارى مەن قىلمىستىق جازاسىن وتەپ شىققان ادامدارعا كومەك كورسەتەتىن مەكەمەلەردىڭ جۇمىسىنا جاردەمدەسۋ بويىنشا كونسۋلتاتيۆتىك- كەڭەسشى ورگاننىڭ (ك ك و) قاتىسۋشىلارى پاۆلودار وبلىستىق قىلمىستىق- اتقارۋ جۇيەسى دەپارتامەنتىنە قاراستى ءۇش كولونيانىڭ ونەركاسىپتىك ايماقتارىندا بولدى.
«ەڭبەك پاۆلودار» رەسپۋبليكالىق مەملەكەتتىك كاسىپورنى بولىمشەسىنىڭ ديرەكتورى نۇرلىبەك سەردالين اتاپ وتكەندەي، 2017 -جىلى كومپانيا قۇرىلىس ماتەريالدارى، پۆح، مەتالل جانە اعاش وڭدەۋ، تىگىن بۇيىمدارى، كيىز ۇيلەر مەن وسىعان ۇقساس زاتتاردى وندىرەتىن شاعىن جانە ورتا بيزنەس وكىلدەرىمەن قىزمەت كورسەتۋ بويىنشا كەلىسىمشارت جاسادى.
تاعى ءبىر جاڭالىق - نەگىزگى ءوندىرىس بازاسى اۋىلدا ورنالاسقان اپ-162/2 كولونياسىنان «پاۆلودار يۋرتا» ج ك ءوندىرىسىنىڭ اشىلۋى.
كيىز ءۇي ءوندىرىسىنىڭ نەگىزىن وقىپ شىققاننان كەيىن بۇل كاسىپورىندا ەكى سوتتالۋشى جۇمىس ىستەي باستاعان. كاسىپورىن باس ديرەكتورى ۆياچەسلاۆ گايدۋچكانىڭ ايتۋىنشا، ولاردىڭ ايلىق جالاقىسى 26 مىڭ تەڭگە، دەپ حابارلايدى ق ا ج باسپا ءسوز قىزمەتى.
«جىگىتتەردىڭ جۇمىسىنا ريزامىن، - دەپ اتاپ ءوتتى ۆ. گايدۋچوك. بۇدان بۇرىن سوتتالۋشىلاردىڭ ءبىرى جازاسىن وتەپ شىققاننان كەيىن مەنىڭ كەنجەكول اۋىلىندا ورنالاسقان نەگىزگى وندىرىسىمدە جۇمىس ىستەدى. ءبىر ايدىڭ ىشىندە ءتورت كيىز ءۇي جاساپ شىعارا الامىز. تاجىريبەمىز بار، كيىز ۇيلەردى ەلەكتروليز جانە اليۋميني زاۋىتتارى ءۇشىن جاساپ شىعاردىق. كيىزدى ازىرگە ساتىپ الىپ جاتىرمىز، قاجەتتى قۇرالدار بار، ءبىراق ونىڭ تەحنولوگياسىن ازىرگە مەڭگەرمەدىك. سەح تاپسىرىس بەرۋشىنىڭ تالعامىنا قاراي كەز كەلگەن كولەمدەگى كيىز ءۇيدى جاسالادى، ءتىپتى قاجەت بولسا جىلىتاتىن ەدەنىن دە دايىندايدى. ونىڭ قۇنى كولەمىنە بايلانىستى. مىسالى، التى قاناتتى كيىز ءۇي 700 مىڭ تەڭگەدەن باستالادى. تاپسىرىس ارقىلى تسەحتا جۇمىس ىستەيتىن سوتتالۋشىلار سانىن ارتتىرۋعا مۇمكىندىك بار»، - دەدى كوميسسيا مۇشەلەرىنە كاسىپكەر.
ك ك ر ءتوراعاسى، پاۆلودار وبلىسى اكىمىنىڭ ورىنباسارى مەيرام بەگەنتايەۆ كاسىپكەرگە كيىز ءۇيدى ساۋدالاۋ جاعىنان كومەكتەسۋگە ۋادە ەتتى.