07:59, 29 - قىركۇيەك 2017 | GMT +5
اتىراۋدا ايەلدەر كولونياسى جاڭا كىتاپتارمەن تولىقتى - فوتو
استانا. قازاقپارات - اتىراۋدا «رۋحاني جاڭعىرۋ» باعدارلاماسى اياسىندا باستاۋ العان «قادىرلى سىيلىق» اكسياسى قىلمىستىق اتقارۋ دەپارتامەنتىنە قاراستى ايەلدەر كولونياسىندا جالعاستى.

اكسيانىڭ ماقساتى - باس بوستاندىعىنان ايرىلعان ازاماتتاردى الەۋمەتتىك قولداۋ، مەكەمە كىتاپحاناسىنىڭ قورىن تولىقتىرۋ.
شارا بارىسىندا ع. سلانوۆ اتىنداعى امبەباپ كىتاپحانا ۇجىمى ءتۇرلى جانرداعى 500 دەن استام كىتاپتى تۇزەتۋ مەكەمىسىنە سىيعا تارتتى. جازاسىن وتەۋشىلەردىڭ اراسىنداعى ادەبيەتكە قۇشتار جاندار بۇعان ءوز ريزاشىلىقتارىن ءبىلدىردى. تۇزەتۋ مەكەمەسىندە بارلىعى 6700 دەن استام كىتاپ قورى بار.
ايتا كەتەيىك، بۇگىندە كولونيادا 200 دەن استام ايەل جازاسىن وتەۋدە. سونىمەن قاتار، الداعى ۋاقىتتا ولارعا اعىلشىن ءتىلىن جانە كومپيۋتەر ۇيرەتۋ كۋرستارىن وتكىزۋ جوسپارلانۋدا.