شىمكەنتتە مۇعالىم مەكتەپتىڭ شاتىرىندا اسىلىپ قالدى

شىمكەنت. قازاقپارات - شىمكەنتتە مۇعالىم مەكتەپتىڭ شاتىرىندا اسىلىپ قالدى، دەپ حابارلايدى قازاقپارات ح ا ا ءتىلشىسى.
None
None

قاراتاۋ اۋداندىق پروكۋراتۋراسىنىڭ مالىمەتىنشە، پوليتسياعا حابار 26- قىركۇيەك كۇنى ساعات 17.43 تە تۇسكەن.

انىقتالعانداي، 58 جاستاعى ازامات ي. مارتوبە اۋىلىنداعى 27№ مەكتەپتە ون جىلدان بەرى ماتەماتيكا پانىنەن ساباق بەرىپ كەلگەن.

ونىڭ وتباسى مۇشەلەرى دە، اتاپ ايتقاندا، 55 جاستاعى ايەلى، 33 جاستاعى ۇلى مەن كەلىنى وسى ءبىلىم مەكەمەسىندە مۇعالىم بولىپ ىستەيدى. ۇلى مەكتەپ ديرەكتورىنىڭ تاربيە ءىسى جونىندەگى ورىنباسارى ەكەنى انىقتالدى.

شاتىردا اسىلىپ تۇرعان ازامات ي -دى تۋىسقان ءىنىسى كورگەن. كەيىننەن پوليتسيا شاقىرعان. وقيعا ورنىنا جەتكەن ءتارتىپ ساقشىلارى مارقۇمنىڭ دەنەسىنەن زورلىق-زومبىلىق بەلگىلەرىن تاپپادى. قازىر بىرنەشە سوت-مەديتسينالىق ساراپتاما تاعايىندالىپ، تەرگەۋ امالدارى جۇرگىزىلۋدە.

«اتالعان دەرەك قىلمىستىق كودەكستىڭ 105-بابى 1-بولىگىندە («ءوز-ءوزىن ولتىرۋگە دەيىن جەتكىزۋ») كورسەتىلگەن قىلمىستىق قۇقىق بۇزۋشىلىق بەلگىلەرى بويىنشا شىمكەنت قالالىق ىشكى ىستەر باسقارماسى قاراتاۋ اۋداندىق پوليتسيا بولىمىندە سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەلدى»، - دەلىنگەن قاراتاۋ اۋداندىق پروكۋراتۋراسىنىڭ حابارلاماسىندا.

سوڭعى جاڭالىقتار