تۇركيادا جول اپاتىنا تۇسكەن قازاق: جۇرگىزۋشى سوققىنى وزىنە قابىلداپ، ءبىزدى امان الىپ قالدى

استانا. قازاقپارات - انتاليا قالاسىندا اسا اۋىر جول اپاتىنا تۇسكەن قازاقستاندىقتاردىڭ ءبىرى وقيعا تۋرالى بايانداپ بەردى.
None
None

بۇل تۋرالى informburo.kz حابارلايدى.

«ءبىز تۇندە اۋەجايعا بارۋ ءۇشىن تاكسي شاقىرتتىق. ول شاعىن اۆتوبۋس بولعاندىقتان جەتەۋىمىز دە وتىردىق، رولدە تۇرىك ازاماتى. قارسى كەلە جاتقان كولىك ساعاتىنا 230 شاقىرىم جىلدامدىقپەن جۇرگەن. ول قورشاۋدى بۇزىپ ءوتىپ، ءبىزدىڭ ماشيناعا قاراي ۇشتى. جۇرگىزۋشى بارلىق سوققىنى ءوز تاراپىنا الۋعا تىرىستى. ول سول جەردە كوز جۇمدى. ءبىزدىڭ ءومىرىمىزدى ساقتاپ قالدى دەپ ايتۋعا بولادى. مەن ەڭ ارتىندا وتىرعاندىقتان، باسقالارعا قاراعاندا از زارداپ شەكتىم»، - دەيدى باتىرحان قايىربايەۆ.

ەسكە سالساق، 21- قىركۇيەك كۇنى جەتى قازاقستاندىق ءىرى جول اپاتىنا تۇسكەن ەدى. جۇرگىزۋشىمەن بىرگە ءتورت ادام قايتىس بولدى. قازاقستاندىقتار اۋىر جاراقات الىپ، ولارعا تۇرىك كلينيكالارى كۇردەلى وپەراتسيا جاساعان. بۇل تۋرالى تولىعىراق ق ر س ءى م وكىلى ءانۋار جايناقوۆ حابارلاعان ەدى.

كەيىن الماتى وبلىسى اكىمدىگى باسپا ءسوز قىزمەتى حابارلاعانداي، ءۇش قازاقستاندىق سارسەنبى كۇنى تالدىقورعانعا جەتكىزىلگەن. ولاردىڭ ەسىمدەرى - ۆاديم، باتىرحان، ديليارا.

زارداپ شەگۋشى ەلزيرانىڭ تۋىستارىنىڭ ايتۋىنشا، اپاتقا تۇسكەن نۇرسۇلتان مەن الماگۇل 9- قىركۇيەك كۇنى ۇيلەنگەن ەكەن. دوستارى ولارعا سىيلىق رەتىندە تۇركياعا جولداما بەرگەن. كەيىن بارلىعى بىرگە جاستاردىڭ بال ايىن اتاپ ءوتۋ ءۇشىن انتالياعا اتتانعان.

سوڭعى جاڭالىقتار