بەكمان سويلىبايەۆ ا ق ش- تا مەكسيكالىق بوكسشىمەن ايقاسادى

استانا. قازاقپارات - بەكمان سويلىبايەۆ لاس-ۆەگاستا فەرناندو ۆارگاسپەن ايقاسادى، دەپ حابارلايدى قازاقپارات ءتىلشىسى.
None
None

لاس-ۆەگاستا 19- قازان كۇنى ۇلكەن كاسىپقوي بوكس كەشى وتەدى. الەمگە ايگىلى ESPN سپورتتىق تەلەارناسى ارقىلى قالىڭ كوپشىلىككە كورسەتىلەتىن اتالمىش جەكپە-جەك كەشىندە Diamond Ring بوكسشىسى بەكمان سويلىبايەۆ ءوزىنىڭ WBC International چەمپيوندىق بەلبەۋىن قورعايتىن بولادى.

بەكماننىڭ قارسىلاسى - مەكسيكالىق فەرناندو ۆارگاس. كاسىپقوي شارشى الاڭدا 47 ايقاس وتكىزگەن 29 جاستاعى ۆارگاس، سونىڭ 32 سىندە جەڭىسكە جەتكەن، ءۇش جەكپە-جەگى تەڭ اياقتالعان. كاسىپقوي بوكسپەن 2006-جىلدان بەرى اينالىسىپ كەلەدى.

ءوز كەزەگىندە كاسىپقوي بوكستا 11 ايقاس وتكىزىپ، بارلىعىن جەڭىسپەن اياقتاعان جەرلەسىمىز ەكىنشى جەڭىل سالماق دارەجەسىندەگى WBC International چەمپيوندىق بەلبەۋىنىڭ يەگەرى.

بۇگىندە بەكمان سويلىبايەۆ لوس-اندجەلەستە بەلگىلى مامان ەريك براۋننىڭ قاراماعىندا جاتتىعىپ ءجۇر.

لاس-ۆەگاستىڭ «Monte Carlo Resort and Casino» كەشەنىندە وتەتىن كاسىپقوي بوكس كەشىن وسكار دە لا حويا باسقاراتىن «گولدەن بوي» پروموۋتەرلىك كومپانياسى ۇيىمداستىرادى.

كەشتىڭ باستى جەكپە-جەگىندە قازاقستاندىق گەننادي گولوۆكيننىڭ بۇرىنعى قارسىلاسى پۋەرتوريكولىق گابريەل روسادو (23-11, 13 KOs) مەن ا ق ش بوكسشىسى ورتا سالماقتاعى ۇزدىكتەردىڭ ءبىرى گلەن تاپيا (23-4, 15 KOs) شارشى الاڭعا شىعادى.

اۆتور: كۇنسۇلتان وتارباي

 

سوڭعى جاڭالىقتار