20:44, 28 - قىركۇيەك 2017 | GMT +5
قازاقستاندا ارال مەن كاسپيدەن باسقا تاعى ءبىر تەڭىز پايدا بولادى
استانا. قازاقپارات - ماڭعىستاۋ وبلىسى اۋماعىنداعى اشىسور ويپاتى كاسپي تەڭىزىنەن تولتىرىلاتىن بولادى. وسى ماقساتتا جاڭا رەكرەاتسيالىق ايماقتى قۇرۋ تۋرالى جۇمىس باستالىپ تا كەتتى.

بۇل جايىندا اتالعان وبلىستىڭ ساۋلەت جانە قالا قۇرىلىسى باسقارماسىنىڭ جەتەكشىسى ءمالىم ەتتى.
«ماڭعىستاۋداعى رەكرەاتسيالىق ايماق» جوباسى بويىنشا كاسپيدەن كانال ارقىلى ويپاتتى تەڭىز سۋىمەن تولتىرۋ كوزدەلۋدە. بۇل جاساندى سۋ قويماسىنىڭ اۋماعى شامامەن 300 شارشى مەتردى، ال تەرەڭدىگى 12 مەتردى قۇرايتىن بولادى.
بۇل جاساندى سۋ قويماسىن تۋريستەر دەمالاتىن ورىنعا اينالدىرۋ دى جوسپارلاپ وتىر. قازىرگى ۋاقىتتا اتالمىش جوبانىڭ تەحنيكالىق-ەكونوميكالىق نەگىزدەمەسى ازىرلەنىپ جاتىر.
ايتا كەتەيىك، تامىز ايىنىڭ 11 ءى كۇنى اقتاۋ قالاسىندا اتالمىش جوباعا بايلانىستى جۇرتتىڭ پىكىرى تىڭدالدى.