ءدىلناز احماديەۆا: ۇيعىر دەپ بەتىمە باسقان كەزدە رەنىشتەن جىلاپ جىبەردىم

ءانشى مۇنداي ادامداردان ابدەن مەزى بولعانىن ايتىپ، بۇدان بىلاي ءتىل تيگىزگەندەردى زاڭمەن جازالايتىنىن ەسكەرتتى، دەپ جازادى Stan.kz.
جەلىدە sagira0406 ەسىمىمەن تىركەلگەن ايەل احماديەۆانىڭ نامىسىنا تيەتىن ءسوز جازعانى ءۇشىن سوتتالىپ كەتۋى مۇمكىن.
العاشقىدا: «مىنا ۇيعىرعا نە بولعان؟ جاركەنت قۇربىڭ قايدا؟ ول دا اللەرگيا ما؟ ۇناتپايمىن سەنى. تەز جازىلىپ كەت. باسقالارعا ۇنايتىن شىعارسىڭ»، - دەپ جازعان ايەل كەيىن ءانشىنى قورعاشتاپ سويلەگەن جەلى وقىرمانىنا جاۋاپ بەرىپ، ودان سايىن ءدىلنازدىڭ شامىنا تيگەن.
«وتىرىك پا نە ۇيعىر ەكەنى؟ وندا تۇرعان نە بار؟ سەنىڭ شىققانىڭ نە؟ سەن تاربيەلى بولساڭ بولدى، مەنىڭ تاربيەمدە نەڭ بار؟ الدە سەن دە ۇيعىر مە ەدىڭ؟ ءتيىپ كەتتىم بە؟» - دەگەن ساعيرا ەسىمدى وقىرمان احماديەۆانىڭ كوز جاسىنا سەبەپكەر بولعان.
ءوز كەزەگىندە ءانشى بۇل پىكىردەن اينالىپ وتە الماعانىن ايتىپ، ساعيراعا جەلى ارقىلى جاۋاپ بەردى.
«مەيىرىمدى جاندار، ايتىڭدارشى! وسىنداي ادام ەمەستەر ءبىزدىڭ ەلىمىزدى قاشانعا دەيىن ماسقارا ەتپەك؟ مەن كوپ ۇلتتى قازاقستان ەلىندە، اشىق اسپان استىندا دۇنيەگە كەلگەن ەرەسەك اداممىن. وسى ەلدە ءوسىپ-ءوندىم، ءالى كۇنگە دەيىن وسىندا تۇرىپ جاتىرمىن. مەنىڭ ۇلتىم كىمگە كەدەرگى بولدى؟ نە دەگەن ادامسىڭدار وزدەرىڭ؟ ەلىمىز ءۇشىن تىندىرعان ىستەرىڭ جوق بولا تۇرا، رەسپۋبليكامىزدىڭ مادەنيەتىن دامىتىپ جۇرگەن ادامداردى قورلايسىڭدار! ولاردىڭ دەڭگەيىنە تۇسپەي-اق قويىڭىز دەپ ايتۋدىڭ قاجەتى جوق! رەنجىگەنىم سونشالىق، جىلاعىم كەلىپ وتىر! مۇنداي ادامدار نەلىكتەن مەنىڭ ۇلتىمدى (جانە تەك مەنىڭ ەمەس) قورلايدى؟ كىم ولارعا مۇنداي قۇقىقتى بەردى؟ سوتقا بەرەمىن. بۇل ءبىرىنشى رەت ەمەس. مۇنداي ادامداردى، ءتىپتى اياپ كەتەمىن. ولار ەندى ءمانسىز كۇشتەرىن جوعالتىپ، اتا-اناسىنان، كۇيەۋىنەن نە ايەلىنەن قورقاتىن جاندارعا اينالىپ بارادى! ءبىراق مەن كۇرەستى جالعاستىرامىن! ماعان ساتتىلىك تىلەپ قويىڭىزدار! ءبىراق مۇنداي جاعدايدا ساتتىلىك اركەز مەنىڭ جاعىمدا بولادى»، - دەپ جازدى اشىنعان ءدىلناز.