ىستالعان ەت وبىر اۋرۋىن تۋدىرادى

ونىڭ ايتۋىنشا ونكولوگيالىق ناۋقاستاردا ءسۇت بەزى قاتەرلى ىسىگى، وكپە، اسقازان قاتەرلى ىسىگى ءجيى كەزدەسەدى.
«ونكولوگيالىق اۋرۋعا شالدىققاندار سانى وڭتۇستىككە قاراعاندا ەلىمىزدىڭ سولتۇستىگىندە 3 ەسە كوپ. سولتۇستىكتە زاۋىتتار كوپ، تۇرعىندار دۇرىس تاماقتانبايدى. قىسقا ەت دايىندايدى. ىستالعان تاعام وتە قاۋىپتى، مۇنداي استا كانتسەروگەن (قاتەرلى ىسىكتىڭ پايدا بولۋىنا اسەر ەتەتىن زاتتەكتەر) كوپ بولادى، ال سولتۇستىكتە كوبىنەسە ىستالعان ەتتى پايدالانادى. مىسالى ءۇشىن قىسقا ارناپ ولار ەكى سوعىم دايىندايدى. ءبىرى ىستالادى. ال وڭتۇستىكتە جىل ون ەكى اي جەمىس- جيدەك پايدالانادى. جەمىس پەن كوكونىستى ءجيى پايدالانۋ قاتەرلى ونكولوگيالىق اۋرۋعا شالدىعۋ قاۋپىن تومەندەتەتىنى دالەلدەنگەن. ءبىراق وڭتۇستىكتەگىلەر كۇننىڭ ىستىعىنان تەرى وبىرىنا ءجيى شالدىعادى» ، - دەيدى ونكوحيرۋرگ.
سونىمەن قاتار، ونىڭ پايىمداۋىنشا، 90- جىلدارى تۋعاندار ونكولوگيالىق اۋرۋلارعا بەيىم.
«مەنىڭ پايىمداۋىنشا، 90- جىلدارى تۋعان بالالار اس قورىتۋ جۇيەسىنىڭ ونكولوگيالىق اۋرۋلارىنا بەيىم. ويتكەنى سول كەزدە بوياعىش زاتتار كوپ قولدانىلدى، مىسالى، Yupi, Invite شىرىندارى. ول كەزدە بۇل شىرىنداردىڭ نەدەن جاسالعانىن ەشكىم تەكسەرمەدى دە. مەن سول كەزدە 20- جىلعا تامان اسقازان نەمەسە توق ىشەك وبىرىنا شالدىققان بالالار كوبەيەدى دەپ توپشىلاعانمىن. ءبىر كەزدەرى بىزدە وسى كاتەگورياعا جاتاتىن 5-6 پاتسيەنت بولعان. بوياعىش زاتتار مەن كانسەروگەندى پايدالانعاننان ورگانيزم جاسۋشالارىندا مۋتاتسيا پايدا بولعان» ، - دەيدى قويشىبايەۆ.
ونكولوگ اسقورىتۋ اۋرۋلارىنىڭ وبىرعا اينالىپ كەتۋى مۇمكىن بە دەگەن سۇراققا دا جاۋاپ بەردى.
«گاستريت - بۇل راك اۋرۋىنا جاقىن اۋرۋ، سوندىقتان ەمدەلۋ كەرەك. گاستريتتى قوزدىرۋشى حەليكوباكتەر پيلوري ميكروبى. بۇل ميكروبتى جۇقتىرعاندا اسقازان قىشقىلى ازايادى. سول سەبەپتى اسقازاننىڭ ميكروبتارعا توتەپ بەرۋ قارقىنى باسەڭدەيدى. اسقازان ءسولى - ميكروبقا قارسى قۇرال. ول ءۇشىن كۇندەلىكتى تەك جاڭا دايىندالعان تاعامداردى جەۋ كەرەك. ءبىز كەي كەزدە كەشتەن قالعان تاماقتى ەرتەسىندە جىلىتىپ جەيتىنىمىز بار ەمەس پە» ، - دەيدى ءارىپ قويشىبيەۆ.
Baq.kz