19:36, 28 - قىركۇيەك 2017 | GMT +5
ديماش الماتى اۋەجايىندا فاناتتارىمەن ءجۇرىپ ۇشاقتان كەشىكتى - فوتو
اقتوبە. قازاقپارات - ديماش قۇدايبەرگەن ۇشاقتان كەشىگىپ قالىپ، الماتىدان اقتوبەگە چارتەرلىك رەيسپەن كەلدى، دەپ حابارلايدى قازاقپارات ءتىلشىسى.

اقتوبەدە «تۋعان جەر» فورۋمى ءوتىپ جاتىر. بىرنەشە ساعاتتان سوڭ قوبىلاندى باتىر اتىنداعى ورتالىق ستاديوندا كونسەرت وتەدى.
تۋعان جەرىنە ارنايى كەلىپ، ونەر كورسەتۋى ءتيىس ديماش قۇدايبەرگەن بۇگىن جەرگىلىكتى ۋاقىتپەن 12:00 دە اقتوبەگە جەتۋى ءتيىس ەدى. ءبىراق ول الماتى اۋەجايىندا كەشىگىپ قالىپ، اقتوبەگە جەتە المادى.
بۇگىن ونى چەرتەرلىك رەيسپەن الدىردى. ديماشتى اۋەجايدان اكەسى قانات ايتبايەۆ كۇتىپ الدى.
اۋەجايدا باسقا ەشكىم بولمادى. تىلشىلەرگە سۋرەتكە تۇسىرۋگە، سۇحباتتاسۋعا كەلىسىم بەرىلمەدى. ديماش مىنگەن كولىك اۋەجايدىڭ ارتقى ەسىگىنەن شىعىپ كەتتى.
سەنىمدى اقپارات كوزىنە سۇيەنسەك، ديماش الماتى اۋەجايىندا فاناتتارىمەن جۇرگەن كەزدە ۇشاق كوككە كوتەرىلىپ كەتكەن.
اۆتور: التىناي ساعىندىقوۆا