تالدىقورعاندىق مودەل فرانسيادا وتكەن بايقاۋدا جەڭىمپاز بولدى
العاش رەت الماتى وبلىسىنىڭ ءسان مەكتەبى «DA models» - ءتىڭ وقۋشىلارى «World Asia Beauty 2017» جانە «Universe Beauty 2017» سىندى ءسان كورسەتىلىمى مەن ونەرى ۇشتاسقان سۇلۋلىق بايقاۋلارىندا جۇلدەلى ورىندار الىپ قايتتى.
ولار 5 جاسار كيبرايەۆا ازاليا 2-ۆيتسە ميسس اتانسا، 9 جاسار حاسەن امينا 2-ورىندى جانە تاراسەنكو كيرا 3-ورىندى يەلەندى، دەپ حابارلايدى قازاقپارات وبلىستىق وڭىرلىك كوممۋنيكاتسيالار قىزمەتىنە سىلتەمە جاساپ.
بريفينگ بارىسىندا ءمالىم بولعانداي، «DA models» ءسان مەكتەبى 2017-جىلدىڭ ساۋىرىندە اشىلعان. قازىرگى تاڭدا مەكتەپتە 5-25 جاس ارالىعىنداعى 23 وقۋشى بار. جاتتىعۋلار ءى. جانسۇگىروۆ اتىنداعى مادەنيەت ۇيىندە وتەدى.
وندا وقۋشىلار جاس ەرەكشەلىكتەرىنە قاراي بىرنەشە توپقا بولىنگەن. مەكتەپتىڭ ماقساتى بالالاردىڭ شىعارماشىلىق مۇمكىندىكتەرىن دامىتۋ، دۇرىس سويلەۋ مانەرىن قالىپتاستىرۋ ، دەنى قالاپتى جاعدايدا ۇستاۋدى جانە كامەرامەن جۇمىس جاساۋدى ۇيرەتۋ. «تالدىقورعاندا ءسان مەكتەبىنىڭ اشىلعانىنا از ۋاقىت بولسا دا 14 جاسار مودەل اسقاروۆا دانا شىلدە ايىندا فرانسيانىڭ لاكوست قالاسىندا وتكەن «World Asia Beauty 2017» بايقاۋىنىڭ «Super Model Universe Beauty 2017» نوميناتسياسى بويىنشا گران-پري جەڭىپ الدى.
بۇل بايقاۋ جىل سايىن الەمدىك ءسان الەمىندەگى اڭىز ادام پەر كاردەننىڭ قولداۋىمەن وتكىزىلەدى. فەستيۆال حالىق اراسىنداعى، اسىرەسە، ءارتۇرلى ەلدەردىڭ بالالارى اراسىنداعى دوستىق قارىم-قاتىناستار مەن مادەني الماسۋلاردى نىعايتۋ ماقساتىندا جانە بالالاردىڭ ءدىني كوزقاراستارى مەن ۇلتتارىنا قاراماستان وتەدى. وعان 100 دەن استام ەلدىڭ وكىلدەرى قاتىسادى»، - دەدى «World Beauty» الماتى وبلىسى بويىنشا ديرەكتورى كيساپوۆا اليا اسكار قىزى ءسان مەكتەبىنىڭ باستى ماقساتى الماتى وبلىسىنىڭ جاس ونەرپازدارىن حالىقارالىق دارەجەدە تانىمال ەتۋ.
اۆتور: سامال قابىشەۆا
