استاناعا گاز تارتۋ ءۇشىن قاراجات ىزدەستىرىلىپ جاتىر

استانا. قازاقپارات - استانانى گازداندىرۋ جوباسى بويىنشا ناقتى شەشىم قابىلدانبادى.
None
None

بۇل تۋرالى ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا ق ر ەنەرگەتيكا ۆيتسە-ءمينيسترى ماعزۇم مىرزاعاليەۆ ءمالىم ەتتى، دەپ حابارلايدى قازاقپارات.

«استانا تۇرعىندارى ءۇشىن بۇل ماسەلە وتە وزەكتى. بۇگىندە اتالعان جوبا بويىنشا تەحنيكالىق-ەكونوميكالىق نەگىزدەمە اياقتالدى. وزدەرىڭىز بىلەسىزدەر، ەلورداعا گاز تارتۋدا بىرنەشە باعدار قاراستىرىلعان بولاتىن، ياعني وسىعان دەيىن قوستاناي وبلىسنان كوكشەتاۋ ارقىلى استاناعا گاز قۇبىرىن جەتكىزۋ پىسىقتالعان ەدى. كەيىننەن  قىزىلوردا وبلىسىنان قاراعاندى، تەمىرتاۋ ارقىلى ەلورداعا دەيىن تارتۋ قاراستىرىلدى. جوبانىڭ قۇنى 200 ميلليارد تەڭگەدەن اسىپ وتىر، ياعني بۇل گاز قۇبىرى ارزانعا تۇسپەيتىنى انىق. بۇل تۇرعىدا ءبىز تەك ماگيسترالدى جەلىنىڭ قۇرىلىسى تۋرالى ايتىپ وتىرمىز. بۇدان بولەك، گاز قۇبىرى جولىنداعى ءاربىر ەلدى مەكەندى گازداندىرۋ دا قوماقتى قارجىنى تالاپ ەتەتىن بولادى»، - دەپ توقتالدى ۆيتسە-مينيستر.

وسى ورايدا ول بۇل گاز قۇبىرى بويىنشا ناقتى شەشىم قابىلدانباعانىن اتاپ ءوتتى. «قازىرگى كەزدە ءتۇرلى قارجىلاندىرۋ كوزدەرىن تارتۋدىڭ ماسەلەلەرى زەردەلەنىپ جاتىر»، - دەدى م. مىرزاعاليەۆ.

اۆتور: رۋسلان عابباسوۆ

سوڭعى جاڭالىقتار