سەمەيدەگى «لەنين» كوشەسىن «ماڭگىلىك ەل» دەپ وزگەرتۋ ۇسىنىلدى

سەمەي قالاسىنىڭ ىشكى ساياسات ءبولىمىنىڭ باسشىسى ايدار سادىربايەۆتىڭ حابارلاۋىنشا، بۇگىن قوعامدىق تىڭداۋعا قوعامدىق ينستيتۋتتىڭ، ۇكىمەتتىك ەمەس ۇيىمداردىڭ وكىلدەرى قاتىسقان. تىڭداۋدا قالالىق ونوماستيكالىق كوميسسيانىڭ ۇسىنىسى بويىنشا ەكى ماسەلە قارالعان. اتاپ ايتقاندا، «لەنين كوشەسىنىڭ اتاۋىن «ماڭگىلىك ەل» دەپ وزگەرتۋ ۇسىنىلسا، سەمەيلىك اقساقالدار سونىمەن بىرگە پولكوۆنيچي ارالىن «بەيبىتشىلىك ارالى» دەپ وزگەرتۋدى سۇراپ حات جازعان.
«اتالعان ەكى ۇسىنىس وبلىستىق ونوماستيكالىق كوميسسياعا جولداندى. شەشىم قابىلدانعاننان كەيىن رەسمي جاريالانىم بولادى»، - دەيدى ايدار سادىربايەۆ.
ايتا كەتەرلىگى، 22 -قىركۇيەكتە قازاقتىڭ رۋحاني استاناسى - سەمەي شاھارىنداعى ءدال وسى لەنين مەن شۋگايەۆ كوشەلەرىنىڭ قيلىسىندا ۇلت كوسەمى ءاليحان بوكەيحانوۆتىڭ ەسكەرتكىشى اشىلعان بولاتىن.