الماتىدا قىتايدىڭ باس كونسۋلى سالتاناتتى قابىلداۋ كەشىن وتكىزدى - فوتو

الماتى. قازاقپارات - الماتىدا قىتاي حالىق رەسپۋبليكاسىنىڭ قۇرىلعانىنا 68 جىل تولۋىنا وراي سالتاناتتى جيىن ءوتتى، دەپ حابارلايدى قازاقپارات ءتىلشىسى.
None
None

 سالتاناتتى جيىندى اشقان قىتاي حالىق رەسپۋبليكاسىنىڭ الماتىداعى باس كونسۋلى جاڭ ۋەي ەكى ەل قارىم- قاتىناسىنىڭ بۇگىنگى جەتىستىكتەرىنە توقتالدى.

null

«2017 - جىلدىڭ 1- جارتى جىلدىعىندا قىتايدىڭ جان باسىنا شاققانداعى تابىسى 6,9 پايىزعا ءوستى. الەمدەگى ءىرى ەكونوميكالىق توپتاردىڭ الدىڭعى قاتارىنا شىقتىق. قازاقستان جانە قىتاي تاتۋ، كورشى ەل. ديپلوماتيالىق قاتىناس ورناعان 25 جىلدىڭ ىشىندە ءوزارا سىيلاستىق، تەڭ قۇقىلى قاعيدالاردى بەرىك ۇستانىپ كەلەدى. جىل باسىنان بەرى ەكى ەلدىڭ كوشباسشىلارى «ۇلى جىبەك جولى» ەكونوميكالىق ايماعىن قۇرۋ جانە «نۇرلى جول: جاڭا ەكونوميكالىق» باعدارلاماسىن ءبىر اناعا ۇيلەستىرۋ، جۇزەگە اسىرۋ ءۇشىن بىرنەشە رەت كەزدەستى. الماتىداعى قىتاي باس كونسۋلىدىعى قازاقستان مەن قىتاي اراسىنداعى ىنتىماقتاستىقتى نىعايتۋدىڭ الدىڭعى شەبىندە»، - دەدى باس كونسۋل جاڭ ۋەي.

null

سالتاناتتى جيىنعا الماتىلىق زيالى قاۋىم مەن شىعارماشىلىق ونەر ۇجىمدارى قاتىستى. سالتاناتتى قابىلداۋعا كەلگەن تاريح عىلىمدارىنىڭ دوكتورى، ءال- فارابي اتىنداعى قاز ۇ ۋ- دىڭ پروفەسسورى ءنابيجان مۇحامەدقان ۇلى ەكى ەل اراسىندا دانەكەر بولاتىن مادەني، اقپاراتتىق قاتىناستاردىڭ كوبەيىپ كەلە جاتقانىن ايتتى.

null

«ق ح ر- دىڭ قۇرىلعانىنا 68 جىل، قازاقستانمەن ديپلوماتيالىق قاتىناس ورناعانىنا 25 جىل تولىپ وتىر. 25 جىلدا ەكى ەلدىڭ قارىم- قاتىناسى بىرتىندەپ جوعارى دەڭگەيگە كوتەرىلىپ كەلە جاتىر. 2013 -جىلى قىتاي ءتوراعاسى قازاقستانعا كەلگەن ساپارىندا «جىبەك جولى ەكونوميكالىق بەلدەۋىن جاڭعىرتۋدى» ورتاعا قويعان بولاتىن. 2014 -جىلى ەلباسى قازاقستان حالقىنا جولداۋىندا «نۇرلى جول: بولاشاققا باستار جول» جاڭا ەكونوميكالىق ساياساتىن جولدادى. دەمەك، ەكى ەلدىڭ جىبەك جولى بويىنداعى جوسپارلارىندا ءوزارا سايكەسەتىن تۇستارى كوپ. سوندىقتان، ەكى ەل اراسىنداعى قارىم- قاتىناس جاڭا دەڭگەيگە كوتەرىلىپ كەلەدى دەپ ايتا الامىز. ناقتىراق ايتقاندا، ينفراقۇرىلىم، يندۋستريا، جاڭا تەحنولوگيا سالاسىندا، سونىمەن قاتار، مادەنيەت سالاسىنداعى ىنتىماقتاستىق تا جاڭا دەڭگەيگە شىعىپ كەلەدى. ەكى ەل اراسىنا دانەكەر بولاتىن مادەني قارىم قاتىناسپەن قوسا، اقپاراتتىق بايلانىستار دا كوبەيىپ كەلەدى»، - دەدى ءنابيجان مۇحامەدقان ۇلى.

 اۆتور: الماس مۇقاش ۇلى

سوڭعى جاڭالىقتار