قاسىموۆ بەيجىڭدە شەتەلدىك ارىپتەستەرىمەن ترانس ۇلتتىق قىلمىسپەن كۇرەس ماسەلەلەرىن تالقىلادى

بۇل جايىندا اتالعان مينيسترلىككە قاراستى مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ ءمالىم ەتتى، دەپ حابارلايدى قازاقپارات.
ەستەرىڭىزگە سالا كەتسەك، قالمۇحانبەت قاسىموۆ باستاعان دەلەگاتسيا بەيجىڭدە ءوتىپ جاتقان حالىقارالىق قىلمىستىق پوليتسيا ۇيىمى (ينتەرپول) اسسامبلەياسىنىڭ 86- وتىرىسىنا قاتىسۋدا.
«ينتەرپول وتىرىسى اياسىندا ق. قاسىموۆ ۇيىمنىڭ باس حاتشىسى يۋ. شتوكپەن، رەسەي فەدەراتسياسى ىشكى ىستەر ءمينيسترى ۆ. كولوۋولتسيەۆپەن، تاجىكستان ىشكى ىستەر ءمينيسترى ر. راحيمزودامەن، بەلارۋس ىشكى ىستەر ءمينيسترى ي. شۋنيەۆيچپەن، مولدوۆا ىشكى ىستەر ءمينيسترى ا. جيزدانمەن ەكىجاقتى كەزدەسۋ وتكىزدى. جۇزدەسۋلەر بارىسىندا ترانس شەكارالىق قىلمىسپەن كۇرەس، قىلمىسكەرلەردى حالىقارالىق ىزدەۋ جانە ەكستراديتسيالاۋ سالالارىنداعى ءوزارا ءىس- قيمىلدى ودان ارى نىعايتۋ ماسەلەلەرى تالقىلاندى»، - دەدى ا. سادۋبايەۆ.
ايتا كەتەيىك، حالىقارالىق قىلمىستىق پوليتسيا ۇيىمى (ينتەرپول) اسسامبلەياسىنىڭ 86- وتىرىسىنا 156 ەلدىڭ وكىلى، ونىڭ ىشىندە پوليتسيا ۆەدومستۆولارىنىڭ 62 باسشىسى، 30 ىشكى ىستەر جانە ادىلەت ءمينيسترى، 2 پرەمەر- ءمينيستردىڭ ورىنباسارى، سونداي- اق ينتەرپولدىڭ ۇلتتىق ورتالىق بيۋروسىنىڭ باسشىلارى قاتىسۋدا. القالى جيىن بارىسىندا سولومون ارالدارى مەن پالەستينا ينتەرپولعا مۇشەلىككە وتكەن بولاتىن.
اۆتور: مارلان جيەمباي