سەرىك اقشولاقوۆ اقتوبەلىك ناۋقاستاردىڭ جۇلىن ىسىگىنە وتا جاسادى

اقتوبە. قازاقپارات - اقتوبەدە ءوتىپ جاتقان «تۋعان جەر» فورۋمىنا ۇلتتىق نەيروحيرۋرگيا ورتالىعىنىڭ ديرەكتورى سەرىك اقشولاقوۆ كەلىپ، بىرنەشە وتا جاسادى، دەپ حابارلايدى قازاقپارات ءتىلشىسى.
None
None

كۇردەلى وتانى استاناداعى ورتالىقتا جاسايتىن سەرىك اقشولاقوۆ تۋعان جەرگە كەلىپ، بىرنەشە شەبەرلىك ساباعىن وتكىزدى. ول ەكى وتا جاسادى.

«اقتوبە مەديتسينالىق ورتالىعى مەن ۇلتتىق نەيروحيرۋرگيا ورتالىعى تىعىز بايلانىستى جۇمىس ىستەيدى. ورتالىقتا دۇنيەجۇزىنىڭ 60-تان استام جاڭا تەحنولوگياسى ەنگىزىلسە، ونىڭ تەڭ جارتىسىن وڭىرلەر مەڭگەرىپ، تاجىريبەدە قولدانىپ ءجۇر. شەبەرلىك ساباقتارى استاناداعى ورتالىقتا بولسا، بۇگىن مەن اقتوبەدە وتا جاسادىم. جۇلىن ىسىگىنە ەم جاسالدى. اۋرۋحانانىڭ ماماندارى بىلىكتى، بولىمشەدە جوعارى تەحنولوگيالى اپپاراتتار بار. الداعى ۋاقىتتا كلينيكالىق فارماتسيا بولىمشەسىن ەنگىزۋدى جوسپارلاپ وتىرمىز. اقتوبە مەديتسينالىق ورتالىعىمەن ىنتىماقتاستىق مەموراندۋمىنا قول قويىلادى»، - دەدى ۇلتتىق نەيروحيرۋرگيا ورتالىعىنىڭ ديرەكتورى سەرىك اقشولاقوۆ.

اقتوبە مەديتسينالىق ورتالىعى جاڭا ەندوسكوپيالىق اپپارات ساتىپ الدى. ۇلتتىق ورتالىق ماماندارى سول اپپاراتتى تاجىريبە جۇزىندە قولدانۋعا كومەك كورسەتەدى.

 «ءبىز كوبىنە ناۋقاستاردى استاناعا الدىرىپ وتا جاسايمىز. سەبەبى بۇل سالانىڭ قۇرال- جابدىعى وتە قىمبات، وتا ۇزاق جاسالادى. اقتوبەگە كەلگەن كەزدە ەكى وتا جاسالدى. تاعى بىرنەشە ناۋقاستىڭ وتاعا دايىندىعىن قاراپ جاتىرمىز. ەگەر وتاعا دايىن بولسا كومەك كورسەتىلەدى. بىرنەشە ناۋقاسقا كەڭەس بەرىلدى. اقتوبەدە مەديتسينا ۋنيۆەرسيتەتى بار. سوندىقتان وڭىردەگى نەيروحيرۋرگتەردىڭ تاجىريبەسى مول، بىلىكتى»، - دەدى سەرىك اقشولاقوۆ.

اۆتور: التىناي ساعىندىقوۆا

سوڭعى جاڭالىقتار