تۇرمەدەن شىققان ارالاس جەكپە- جەك شەبەرى قارسىلاسىن نوكاۋتقا ءتۇسىردى

استانا. قازاقپارات - رەسەيلىك ارالاس جەكپە- جەك شەبەرى (م م ا) الەكساندر ەمەليانەنكو تۇرمەدەن شىققاننان كەيىنگى العاشقى ايقاسىندا برازيليالىق دجەرونيمو دوس سانتوستان باسىم ءتۇستى.
None
None

جەكپە- جەك 27 - قىركۇيەكتە ماسكەۋدە ءوتتى.

العاشقى راۋندتا- اق رەسەيلىك قارسىلاسىنىڭ باسىنا بىرنەشە اۋىر سوققى دارىتتى. دوس سانتوس سۇلاپ ءتۇستى. ءبىراق ارتىنشا ورنىنان وزدىگىنەن تۇرعانىن قاراماستان تورەشى ايقاستى توقتاتتى.

 برازيليالىق ءبىرشاما ۋاقىت رەفەريمەن داۋلاسىپ باقتى، ءبىراق قورىتىندىسىندا ەمەليانەنكو جەڭىمپاز بولىپ تانىلدى.

بۇل رەسەيلىكتىڭ ءوز سپورتتىق جولىناعى 24- جەڭىسى. ول جەتى رەت جەڭىلگەن. ال دوس سانتوس 20 رەت ءسۇرىنىپ، 38 رەت ۇتقان.

ەسكە سالا كەتسەك، ەمەليانەنكو 2016 -جىلى ءۇي قىزمەتكەرى پولينا ستەپانوۆانى زورلاعانى جانە ونىڭ ءتولقۇجاتىن ۇرلاعاندىعى ءۇشىن سوتتالعان بولاتىن. ۆورونەج وبلىستىق سوتى ونىڭ جازاسىن ەكى جىل تۇزەۋ جۇمىسىنا اۋىستىردى.

 ماسكەۋدەگى سيمونوۆسكي سوتى ارالاس جەكپە- جەك شەبەرىن 2015 - جىلى 4,5 -جىلعا باس بوستاندىعىنان ايىرىپ جانە 50 مىڭ رۋبل ايىپپۇل سالعان.

اۆتور: ەرلان قوجاكەلديەۆ

سوڭعى جاڭالىقتار