07:20, 28 - قىركۇيەك 2017 | GMT +5
پوليتسەيلەر فيلمگە ءتۇسىپ جاتقان اكتەردى اتقان
استانا. قازاقپارات - ا ق ش- تىڭ ينديانا شتاتىندا پوليتسيا بولىمىنە سىراحانانى قارۋلانعان ادامنىڭ توناپ جاتقانى جايلى قوڭىراۋ شالىنعان. بۇل جايلى حابارلاعان جان قولىندا تاپانشاسى بار، بەتىن تۇمشالاعان ەر ادامنىڭ سىراحاناعا كىرگەندىگىن حابارلاعان، دەپ جازادى FOX59.
وقيعا ورنىنا شۇعىل جەتكەن پوليتسەيلەر بەتپەردە كيگەن، قولىندا تاپانشاسى بار ەر ادامنىڭ سىراحانادان شىعىپ كەلە جاتقانىن كورەدى. ولار بەلگىسىز جاندى ۇرى دەپ ەسەپتەپ الگىگە قاراتا وق اتقان. ءبىراق تيگىزە المايدى. قاتتى قورىققان ءارتىس تاپانشاسىن ءتۇسىرىپ العان جانە دەرەۋ ماسكاسىن شەشىپ جاتىپ وسىندا فيلم ءتۇسىرىلىپ جاتقانىن ايتىپ ۇلگەرەدى. انىقتالا كەلە، قارۋلى جان اكتەر دجيم دافف بولىپ شىقتى. بۇل كەزدە سىرا قايناتاتىن كومپانيادا فيلمنىڭ ءتۇسىرىلىمى ءجۇرىپ جاتقان ەكەن.
اۆتور: ەرلان قوجاكەلديەۆ
