ديماشقا قىتايلىق جانكۇيەرلەر سوڭعى ۇلگىدەگى ميكروفون سىيلادى - كەسكىن

استانا. قازاقپارات - ميلليونداعان جانكۇيەرلەردىڭ سۇيىكتىسى، ەل ماقتانىشىنا اينالعان تالانتتى ءانشى ديماش قۇدايبەرگەنگە كەشە قىتايلىق جانكۇيەرلەر سوڭعى ۇلگىدەگى ميكروفون سىيلادى.
None
None

ءبىر ەرەكشەلىگى -  ميكروفوندا ءانشىنىڭ قولتاڭباسى قويىلعان. ءوزىنىڭ تاڭدانىسىن جاسىرا الماعان ءانشى ينستاگرام پاراقشاسىنا: «ارمىسىزدار، قۇرمەتتى جانكۇيەرلەر! مەن دەگەندە تاقىمىن قىسىپ، مەن دەگەندە ىشكەن اسىن جەرگە قوياتىن مەنىڭ سۇيىكتى تىڭدارماندارىم! سىزدەردى وتە جاقسى كورەم. ماعان بەرىپ جاتقان سىيلىقتارىڭىز وتە زور سىيلىق. ءارقاشان سىزدەردىڭ ۇمىتتەرىڭىزدى اقتاۋ ءۇشىن تالماي، تىنباي ەڭبەك ەتەم. مەن قازىر ۇلكەن تەبىرەنىس ۇستىندە وتىرمىن. ويتكەنى، بالا كەزدەن بەرى وسىنداي سوڭعى ۇلگىدەگى ءوزىمنىڭ جەكە ميكروفونىم بولسا دەپ ارماندايتىنمىن. ۇلكەن ارتىستەرگە قاراپ قاتتى قىزىعاتىنمىن. ەندى مىنە، ءوزىمنىڭ تىڭدارماندارىم ماعان وسىنداي ۇلكەن سىيلىق جاسادى. ءسوزىمدى، ىشكى سەزىمىمدى، قۋانىشىمدى ايتىپ جەتكىزە الماي تۇرمىن. سونداي-اق سىزدەرمەن بىرگە باستان كەشكەن «Singer» جوباسىنان بەرى قانداي قىزىقتى ساتتەر ءوتتى، سونىڭ ءبارى بەينەلەنگەن تاماشا كىتاپتى سىيلاپ جاتىرسىزدار. مەنىڭ ومىرىمدەگى سىزدەرمەن ءوتىپ جاتقان ءاربىر ءسات التىن ارىپتەرمەن قالاتىن ساتتەر. ءارتىس ءۇشىن ەڭ ۇلكەن باقىت، ول -  تىڭدارماندارى. سىزدەر باردا ساحنادا ديماش جۇرە بەرەدى!» دەپ ىستىق ريزاشىلىعىن ءبىلدىردى.

ەستەرىڭىزگە سالا كەتەيىك، جاقىندا عانا ديماشتىڭ دومبىراسى دومبىراسى قىتايدا 35 مىڭ يۋانعا (1806000 تەڭگە) ساتىلدى. ول كومەككە مۇقتاج بالالارعا كومەك كورسەتۋ ءۇشىن، دومبىرانى 19 قىركۇيەك كۇنى «Smile Angel Foundation» قايىرىمدىلىق قورىنا سىيلاعان بولاتىن.

سوڭعى جاڭالىقتار