03:02, 28 - قىركۇيەك 2017 | GMT +5
ادامزاتتىڭ وزگە عالامشاردا نەسىبى بار ما؟
استانا. قازاقپارات - ۇلى جاراتۋشى اللا تاعالانىڭ قۇدىرەتى شەكسىز. جەر بەتىندە ادامزات ءۇشىن پايدالى بولعان سانسىز نىعمەتتەرىن بۇيىردى. ال، جەردەن بولەك پەندەنىڭ وزگە عالامشاردا نەسىبى بار ما؟
پادۋيا مەن بولونيا ۋنيۆەرسيتەتتەرىنىڭ عالىمدارى اي مەن مارستان ادام تۇرۋعا ەڭ قولايلى جەرلەردى تاپتى، دەپ حابارلايدى Baq.kz اقپارات اگەنتتىگى ريا نوۆوستي گە سىلتەمە جاساپ.
اسپان دەنەلەرىنىڭ بەدەرىن زەرتتەگەن ماماندار «بولاشاقتا اي مەن مارستاعى ۇڭگىرلەر مەن «لاۆا تۇتىكتەرى» ادام تۇرۋعا قولايلى تاپتىرماس مەكەن» دەگەن قورىتىندىعا كەلدى.
عالىمدار ۇڭگىرلەر مەن تۇتىكتەر ادامدى عارىشتىق ساۋلەلەنۋ مەن ۇساق مەتەوريتتەردەن قورعاي الادى دەپ بولجاپ وتىر.
«لاۆا تۇتىكتەرى» - لاۆانىڭ ءبىر مەزگىلدە سۋىماۋىنان پايدا بولاتىن كانالدار. لاۆانىڭ ۇستىڭگى قاباتتارى تەز سۋىپ، ءبىرتۇتاس قاتتى قابىققا اينالادى. ال ونىڭ ىشىندەگى سۇيىق لاۆا بىرتىندەپ كەتىپ، تۋننەل جاسايدى. ساراپشىلاردىڭ مالىمەتىنشە، مۇنداي تۋننەلدىڭ ۇزىندىعى 65 شاقىرىمعا جەتەدى.
