تۇركيادا اپاتقا ۇشىراعاندىردىڭ ۇشەۋى ەلگە جەتتى

تالدىقورعان. قازاقپارات - تۇركيادا جانتۇرشىگەرلىك كولىك اپاتىنا ۇشىراعان 7 قازاقستاندىقتىڭ ۇشەۋى ەلگە امان-ەسەن جەتتى، دەپ حابارلايدى قازاقپارات ءتىلشىسى.
None
None

اپات كەزىندە ۆاديم، باتىرحان، ديليارا جەڭىل جاراقات العان. ال، نۇرسۇلتان، الماگۇل، اسىل جانە ايدىن ەسىمدى جاستار ءالى دە توسەك تارتىپ جاتىر. قازىر ولاردى ەلگە جەتكىزۋدىڭ قامى جاسالىپ جاتىر.

تالدىقورعان قالاسى اكىمدىگى باسپا ءسوز قىزمەتىنىڭ مالىمەتىنشە، جاستار قازىر الماتى قالاسىندا. ءتيىستى ەمدەرىن الىپ جاتىر.

«ءبارى ورىمدەي جاستار. 1992-جىلى تۋعان مەنىڭ باۋىرىم نۇرسۇلتان سوناۋ مەكتەپ كەزىنەن الماگۇلمەن جۇرەتىن. وسى جاقىندا عانا، 9- قىركۇيەكتە تويىن وتكىزگەنبىز. سوندا دوستارى تۇركياعا جولداما سىيلاعان ەدى. بال ايىنىڭ سوڭى وسىنداي بولادى دەپ ويلاماپپىز، ايتپەسە جىبەرمەس ەدىك قوي»، - دەيدى تالدىقورعان قالاسىنىڭ تۇرعىنى ەلزيرا.

وسى وقيعاعا بايلانىستى تالدىقورعان قالاسىنىڭ اكىمدىگى اپاتقا تۇسكەن جاستاردىڭ اتا-انالارىمەن، تۋعان-تۋىستارىمەن حابارلاسىپ، قانداي كومەككە مۇقتاج ەكەندەرىن سۇرادى.

اتا-انانىڭ ەلگە بالالارى امان-ەسەن جەتسە، مەديتسينالىق تۇرعىدا كومەك كورسەتىلسە دەيدى. وسىعان بايلانىستى قالا اكىمىنىڭ ورىنباسارى وبلىستىق دەنساۋلىق ساقتاۋ باسقارماسىنىڭ باسشىسىمەن اقىلداسىپ، اپاتقا تۇسكەن جاستاردى كۇتىپ الۋ ءۇشىن بار جاعدايدى قاراستىرىپ جاتىر.

قاجەت بولعان جاعدايدا تالدىقورعاندىق جاستاردى الماتىنىڭ نەمەسە استانانىڭ اۋرۋحانالارىنا جاتقىزۋعا دا جاردەم كورسەتىلمەك.

ەستەرىڭىزگە سالا كەتەيىك، 21-قىركۇيەكتە تۇركيانىڭ كەمەر قالاسى ماڭىندا بولعان جول اپاتى سالدارىنان 7 قازاقستاندىق اۋرۋحاناعا تۇسكەن ەدى. دەر كەزىندە كورسەتىلگەن مەديتسينالىق كومەك پەن حيرۋرگيالىق وتا جاستاردىڭ جانىن ساقتاپ قالدى. ق ر س ءى م باسپا ءسوز قىزمەتىنىڭ باسشىسى ءانۋار جايناقوۆ تۇركيادا كولىك اپاتىنا ۇشىراعان قازاقستاندىق جاستاردى ەلگە اكەلۋ ماسەلەسى قاراستىرىلىپ جاتقاندىعىن حابارلاعان بولاتىن.

اۆتور: سامال قابىشەۆا

  

سوڭعى جاڭالىقتار