ەندى مەملەكەتتىك ورگاندار جۋرناليستەردىڭ سۇراۋىنا ساپالى جاۋاپ بەرەدى

استانا. قازاقپارات - ق ر اقپارات جانە كوممۋنيكاتسيالار ءمينيسترى داۋرەن ابايەۆ مەملەكەتتىك ورگانداردىڭ جۋرناليستەردىڭ سۇراۋىنا جاۋاپ بەرۋ مەرزىمىنە قاتىستى پىكىر ءبىلدىردى، دەپ حابارلايدى «قازاقپارات» ح ا ا ءتىلشىسى.
None
None

«كوپ تالقىلانىپ جاتقان نورمانىڭ تاعى بىرەۋى مەملەكەتتىك ورگانداردىڭ جۋرناليستەردىڭ سۇراۋىنا جاۋاپ بەرۋ مەرزىمىنە قاتىستى. ارينە، ءبىز بۇعان قارسى بولعانداردى تۇسىنەمىز. ويتكەنى مەملەكەتتىك ورگانداردىڭ جۋرناليستەر سۇراۋىنا جاۋاپ بەرۋ ۋاقىتىن 15 كۇنگە وزگەرتۋ ۇسىنىلىپ وتىر. جۋرناليستەر بۇنداي قادام جۇمىستى قيىنداتادى دەيدى. ەندى وسى وزگەرتۋ نە ءۇشىن جاسالعانىن ءتۇسىندىرىپ وتەيىن. مالىمەتتەرگە قاراپ وتىرساق، كەيىنگى جىلدارى اقپارات قۇرالدارى جولدايتىن ساۋالدار بىرنەشە ەسە كوبەيدى. ال جاۋاپقا بەرىلگەن ۋاقىت از. وسىعان بايلانىستى مەملەكەتتىك ورگاندار كوبىنەسە فورمالدى تۇردە جاۋاپ بەرۋگە ءماجبۇر. مۇنى مويىنداۋىمىز كەرەك. سوندىقتان جۋرناليستەرگە ساپالا اقپارات ۇسىنۋ ءۇشىن ءبىز ۋاقىتتى 15 كۇنگە دەيىن ۇزارتۋدى ۇسىنىپ وتىرمىز. بۇل الەمدىك تاجىريبەگە ساي»، - دەدى مينيستر ءوزىنىڭ فەيسبۋك پاراقشاسىندا اقپارات جانە كوممۋنيكاتسيالار سالاسىنا قاتىستى زاڭ جوباسىن تۇسىندىرەتىن ۆيدەوجولداۋىندا.

بۇل باعىتتا د. ابايەۆ رەزونانس تۋدىرعان ماسەلەلەرگە قاتىستى بەرىلەتىن جاۋاپتار جايىندا ايتىپ بەردى.

«وسى جەردە ءبىر ماسەلەنى ايتايىن، 15 كۇن دەگەندە ونىڭ رەزونانس تۋدىرعان ماسەلەلەرگە قاتىسى جوق. شۇعىل جاعدايدا مەملەكەتتىك ورگاندار بۇرىنعىشا جىلدام جاۋاپ بەرەدى. ونى ەشكىم الىپ تاستاعان جوق، ياعني ول ىشكى رەگلامەنتتەردە ناقتى كورسەتىلگەن. ەڭ باستىسى، ءبىز رەسمي حابارلاماعا جاۋاپ بەرۋ مەرزىمىن 3 كۇننەن 2 كۇنگە ازايتتىق. ياعني مەملەكەتتىك ورگان مالىمدەمە جاساعاندا جۋرناليست وسىعان قاتىستى ساۋال جولداسا، ونىڭ جاۋابى ەكى كۇننەن كەشىكتىرمەي بەرىلۋى ءتيىس»، - دەدى ۆەدومستۆو باسشىسى.

اۆتور: رۋسلان عابباسوۆ

سوڭعى جاڭالىقتار