قوستانايلىق مۇعالىم «اقىلدى كيىز ءۇي» ويلاپ تاپتى

قوستاناي. قازاقپارات - نازاربايەۆ زياتكەرلىك مەكتەبىنىڭ وقىتۋشىسى الەكساندر شەرتسەر ەكو-ءتۋريزمدى دامىتۋدىڭ جاڭا جوباسىن ۇسىندى، دەپ حابارلايدى قازاقپارات ءتىلشىسى.
None
None

ا. شەرتسەر كيىز ۇيلەرگە كۇن باتارەيالارىن ورنالاستىرىپ، شالعاي اۋىلدارعا ەلەكتر جۇيەسىن جەتكىزۋدى ۇسىنادى.

بۇگىندە باعدارلامانى الىس اۋداندارعا جۇرگىزۋدىڭ جوسپارى دايىن تۇر. مۇنداعى باستى ەرەكشەلىك - كيىز ۇيگە كىرىكتىرىلگەن كۇن باتارەيالارى بۇلتتى كۇنى دە، قىس مەزگىلىندە دە جۇمىس ىستەي بەرەدى. قارجى ماسەلەسى شەشىلسە، جاڭا جوبانى ءارى قاراي ورىستەتۋگە بولادى دەيدى ول.

«اقىلدى كيىز ءۇيدىڭ» العاشقى نۇسقاسى دا دايىندالدى. كۇن باتارەيالارى ارقىلى كيىز ۇيگە ەلەكتر جەلىسى تارتىلادى. ال توق كۇشىن ۇيالى تەلەفونداعى Bluetooth-قوندىرعى ارقىلى ازايتىپ-كوبەيتۋگە بولادى. بۇل كيىز ۇيلەردى ناۋرىزىم قورىعىنا قويىپ، وبلىس ەكو-ءتۋريزمىنىڭ دامۋىنا ۇلەس قوسار ەدىك»، - دەدى تۋىندى اۆتورى.

الەكساندر شەرتسەردىڭ وسىدان ەكى جىل بۇرىن مۇمكىندىگى شەكتەۋلى جاندارعا ارناپ «اقىلدى باس كيىمنىڭ» ۇلگىسىن جاساعان. كوزى ناشار كورەتىندەر «اقىلدى باس كيىم» ارقىلى الدىندا كەزدەسەر كەدەرگىلەردى ءبىلىپ وتىرادى. باس كيىمدەگى ارنايى تەتىكتەر بەلگىلى ءبىر قاشىقتىقتا دابىل بەلگىسىن بەرەدى.

اۆتور: باتىر جولاي ۇلى

سوڭعى جاڭالىقتار