تۇركيادا اپاتقا ۇشىراعان قازاقستاندىقتاردى ەلگە جەتكىزۋ ماسەلەسى قاراستىرىلۋدا - س ءى م

استانا. قازاقپارات - تۇركيادا كولىك اپاتىنا ۇشىراعان قازاقستاندىق جاستاردى ەلگە اكەلۋ ماسەلەسى قاراستىرىلىپ جاتىر. بۇل تۋرالى ق ر ي د م باسپا ءسوز قىزمەتىنىڭ باسشىسى ءانۋار جايناقوۆ فەيسبۋكتاعى پاراقشاسىندا حابارلادى.
None
None

 ونىڭ ايتۋىنشا، قازاقستاننىڭ انتالياداعى كونسۋلى قازاقستاندىق ازاماتتارمەن ۇنەمى بايلانىستا جانە اۋرۋحانالارعا بارىپ، ولاردىڭ قال- جاعدايىن ءبىلىپ وتىر. سونداي- اق، جاراقات العان جاستارعا جاسالعان وپەراتسيا اقىسىن تولەۋ ماسەلەسى شەشىلىپ جاتىر.

«جەتى قازاقستاندىق انتالياعا ءوز بەتتەرىنشە بارعان. وكىنىشكە قاراي، ساقتاندىرۋ پوليستەرى بولماعان. سوندىقتان اپاتتان كەيىن ولاردىڭ حيرۋرگيالىق وپەراتسياسىنىڭ تولەمىنە بايلانىستى قيىندىقتار تۋىندادى. دەگەنمەن، ءبىزدىڭ ديپلوماتىمىز تۇرىك تاراپىمەن كەلىسىمگە كەلدى، ياعني اۋىر جارالانعان بەس قازاقستاندىقتىڭ مەديتسينالىق شىعىستارىن تاكسي جۇرگىزۋشىسىنىڭ ساقتاندىرۋ كومپانياسى وزىنە الاتىن بولدى. تاعى ەكى ازاماتىمىز بويىنشا تولەۋ ماسەلەسى شەشىلۋ ۇستىندە»، - دەلىنگەن حابارلامادا.

 مالىمەت بويىنشا، قازىر ءبىزدىڭ قازاقستاندىقتاردىڭ جاعدايى تۇراقتى. ونىڭ ىشىندە ەكى جىگىتتىڭ جامباس سۇيەكتەرى سىنعان، ءبىر بويجەتكەننىڭ ميى قاتتى شايقالعان. ولاردىڭ بارلىعى دا ءوز بەتىنشە قوزعالا المايدى. بۇگىندە قازاقستاندىقتاردى ەلگە اكەلۋ ماسەلەسى شەشىلۋدە.

 اۆتور: ەربول جانات

سوڭعى جاڭالىقتار