قامبار باتىر جىرىن جاتقا ايتقان قىزدىڭ ۇستازى بايقاۋدان كولىك ءمىنىپ قايتتى

«جاقسىلار، داستان ايتايىق» اتتى جاس جىرشىلار بايقاۋىن «وڭتۇستىك قازاقستان» وبلىستىق گازەتى ۇيىمداستىردى. باسىلىمنىڭ قازاقشا كۇرەستەن جىل سايىن وتكىزەتىن ءداستۇرلى تۋرنيرىنەن بۇگىنگى بايقاۋدىڭ ءباسى جوعارى بولدى. سەبەبى، مەكتەپ قابىرعاسىندا ءبىلىم الىپ جاتقان وقۋشىلاردىڭ ساناسىنا باتىرلاردىڭ ەرىك جىگەرىن ءسىڭىرىپ، رۋحى مىقتى قايسار ازامات قىلىپ تاربيەلەۋدىڭ ماڭىزى زور. ونىڭ ۇستىنە ۇيالى تەلەفون قولدان تۇسپەيتىن زاماندا جەتكىنشەكتەردىڭ ادەبيەتكە دەگەن قىزىعۋشىلىعىن وياتۋ بايقاۋدى ۇيىمداستىرۋداعى باستى ماقسات بولدى.
سونىمەن ەرەكشە بايقاۋدا وقۋشىلار باتىرلار جىرىن جاتقا ايتىپ، قازىلار القاسىنىڭ سۇراقتارىنا جاۋاپ بەردى. ءۇشىنشى تالاپ بويىنشا قامبار باتىر جىرىنداعى كونەرگەن سوزدەردىڭ ماعىناسىن اشىپ، ايتىپ بەرۋى ءتيىس بولدى. بايقاۋ قورىتىندىسى بويىنشا باس جۇلدەنى تۇركىستاندىق گۇلجاينا ەلمۇراتوۆا ەنشىلەپ، 200 مىڭ تەڭگە سىياقىعا يە بولدى. ال ونىڭ ۇستازى مايرا نازاربەكوۆا تەمىر تۇلپاردى ءمىنىپ قايتتى.
اۆتور: اينۇر اقبايەۆا