ادىلەتسىز شەشىم: جۇرت جەكپە-جەكتە جەڭىستى داستانعا بەرگەن قازىلاردى سىناپ تاستادى - فوتو، كەسكىن

تانىمال انشىلەردىڭ جاندى داۋىستا ءان ايتۋ مۇمكىندىگىن باعامدايتىن باعدارلاما جارىققا شىعا سالىسىمەن- اق جۇرتتىڭ قوشەمەتىنە يە بولدى.
حالىق تا ريزا، تالانتىن مويىنداتا بىلگەن انشىلەر دە ءماز! الايدا قالىڭ كوپشىلىكتىڭ جوبادا قازىلىق ەتىپ وتىرعان تانىمالدارعا ايتار ءۋاجى بار.
وتكەن سەنبىدە جەكپە-جەككە قوس ءانشى - نۇرجان كەرمەنبايەۆ پەن داستان ورازبەكوۆ سايىسقا ءتۇستى. ونەر الەمىن باعىندىرعان قوس ءانشى ءۇش كەزەڭنەن تۇراتىن جەكپە-جەكتە بارىن سالدى. العاشقى كەزەڭدە ءار ءانشى ءوز ءانىن جاندى داۋىستا ورىنداسا، ەكىنشىسىندە قارسىلاسىنىڭ ءان قورجىنىنا «قول سۇقتى». ياعني نۇرجان داستاننىڭ، ال داستان نۇرجاننىڭ ءانىن شىرقادى. ال ءۇشىنشى كەزەڭدە ەكى جىگىت تە جوبانىڭ باس مودەراتورى مەيرامبەك بەسبايەۆتىڭ تاپسىرماسىن ورىنداۋعا مىندەتتەلدى. بۇل جولى بەسبايەۆ قاتىسۋشىلارعا باتىرحان شۇكەنوۆتىڭ اندەرىن ورىنداۋدى تاپسىردى.
ءوز كەزەگىندە نۇرجان باتىردىڭ «ساعىم دۇنيە» ءانىن ناقىشىنا كەلتىرە شىرقاپ، كوپتىڭ جۇرەگىن ەلجىرەتتى. داستان ورازبەكوۆ تە قالىس قالعان جوق. ول شۇكەنوۆتىڭ جۇلدىزىن جارقىراتا تۇسكەن «وتان انا» ءانىن ايتىپ، قازىلاردىڭ جوعارى باعاسىنا يە بولدى.
الايدا ءان ايتۋ بارىسىندا داستاننىڭ ماتىننەن بىرنەشە رەت قاتەلەسكەنىن زالداعى كورەرمەن دە، ەفيردى كوگىلدىر ەكراننان تاماشالاپ وتىرعان تىڭدارمان دا بايقاپتى. جۇرتتىڭ پىكىرىنشە، بۇل دودادا ءوزىن جان-جاقتى كورسەتە بىلگەن كەرمەنبايەۆ جەڭىسكە جەتۋى ءتيىس ەدى. الايدا 6 ادامنان قۇرالعان قازىلار القاسى جەڭىستى داستانعا بەرىپ، كوپتى اشۋلاندىرىپ الدى.
اتاپ وتەتىن جايت، بۇل جولى ادىلدىك ەتكەن تورەشىلەردىڭ قاتارىندا رەنات گايسين، اينۇر تۇرسىنبايەۆا، ارمان دۇيسەنوۆ، اسىلبەك ەڭسەپوۆ، ايگۇل ەلشىبايەۆا، ەرىك تاستەمبەكوۆ سىندى تانىمالدار بولدى. قۇپيا تۇردە داۋىس بەرگەن بۇل تورەشىلەردىڭ تورتەۋى جەڭىستى داستانعا بەردى. بۇل رەتتە مەيرامبەك بەسبايەۆ تاڭداۋ جاساي المادى (جوبا شارتى سولاي، قازىلار داۋسى تەڭ بولىنگەن جاعدايدا عانا مەيرامبەكتىڭ داۋسى ەسەپتەلەدى).
ايتا كەتەيىك، داستان مەن نۇرجاننىڭ جەكپە-جەگىن مىنا سىلتەمەگە ءوتۋ ارقىلى كورە الاسىزدار.