الماتى وبلىسىندا «اۋەزوۆ» باعى

تالدىقورعان. قازاقپارات - الماتى وبلىسىنىڭ كەربۇلاق اۋدانىنداعى نۇرىم اۋىلىندا «اۋەزوۆ» باعى اشىلدى. مۇحتار اۋەزوۆتىڭ 120 جىلدىعىنا وراي ۇيىمداستىرىلعان شاراعا جازۋشىنىڭ نەمەرەسى زيفا- الۋا مۇرات قىزى قاتىسىپ، زور العىسىن ءبىلدىردى، دەپ حابارلايدى قازاقپارات ءتىلشىسى.
None
None

قازاقتىڭ زاڭعار جازۋشىسى مۇحتار اۋەزوۆتىڭ مەرەيتويىنا ارنالعان «اۋەزوۆ» باعىنىڭ اۋماعى 2 گەكتار. اشىلۋ سالتاناتىنا جازۋشىنىڭ نەمەرەسى، ءبىر توپ اقىن جازۋشىلار، اۋدان تۇرعىندارى قاتىستى. قوناقتار 120 جىلدىققا وراي 120 ءتۇپ اعاش وتىرعىزدى. جاسىل باقتىڭ اشىلۋىنا گۇلستان جۋرنالى مەن گۇلزار قوعامدىق بىرلەستىگى ۇيىتقى بولدى. تۋعان مەكەندى جاسىل جەلەكپەن كومكەرىپ، ساياباققا اينالدىرۋ گوزەل قۇلجابايەۆانىڭ سۇيىكتى كاسىبى. ول كۇرەڭبەل وڭىرىندەگى ءۇش بىردەي اۋىلدى گۇلدەندىرىپ، جاسىل جەلەكپەن كومكەرگەن كاسىپكەر. ماسەلەن، كوپبالالى انالار قۇرمەتىنە «باتىر انا» ساياباعىن اشسا، ءبىرى ۇلى اقىن «اباي» ەسىمىمەن اتالادى. سونداي- اق، كۇرەڭبەل ءوڭىرىنىڭ دارا ءانشىسى، قازاقتىڭ ماقتانىشى نۇرعالي ءنۇسىپجانوۆ اتىنداعى الما باعى بار.

 اۆتور: سامال قابىشيەۆا

سوڭعى جاڭالىقتار