لوندون مەتروسىندا جارىلىس بولدى

بۇل جايلى 26- قىركۇيەك، سەيسەنبى كۇنى Sputnik International حابارلادى.
ءمالىم بولعانداي، جولاۋشىلاردىڭ ءبىرىنىڭ سومكەسىندەگى ۇيالى تەلەفوندى قۋاتتاۋعا ارنالعان قۇرىلعى قىزىپ كەتكەن. اينالادا بولعان ادامدار اراسىنان قاتتى زارداپ شەككەندەر جوق، الايدا جولاۋشىلار دۇربەلەڭگە تۇسكەن.
پوليتسيا مەترو جولاۋشىلارىن ستانسادان قاۋىپسىز ايماققا كوشىرۋ تۋرالى شەشىم قابىلداعان. ءبىراق قۇقىق قورعاۋ ورگاندارى بولعان وقيعا لاڭكەستىك اكتى رەتىندە قاراستىرىلىپ وتىرماعانىن ءمالىم ەتتى.
ەسكە سالساق، 15- قىركۇيەك كۇنى لوندوننىڭ باتىسىندا ورنالاسقان Parsons Green مەترو ستانساسىندا جارىلىس بولدى. وقيعاعا كۋا بولعانداردىڭ ايتۋىنشا، بومبا پويىز ۆاگونىندا قالدىرىلىپ كەتكەن پاكەتتەگى شەلەك ىشىندە بولعان.
جارىلىس سالدارىنان 22 ادام دەنە جانە كۇيىك جاراقاتتارىن الدى. بريتان بيلىگى وقيعانى لاڭكەستىك اكتى دەپ اتادى. شابۋىل ءۇشىن جاۋاپكەرشىلىكتى دايش لاڭكەستىك توبى (قازاقستان مەن وزگە ەلدەر اۋماعىندا تىيىم سالىنعان) ءوز موينىنا الدى.